琉球國 (琉球國，Okinawa語: ルーチュークク) 是東亞卡早的日的國家，佇今仔日的琉球群島。
琉球佇台灣佮日本之間，古早向中國朝貢。1609年，日本的Satsuma翻侵略琉球，強迫琉球嘛向伊朝貢。 1879年，琉球後日本滅亡，改名叫做Okinawa縣。毋過今仔日成濟台灣人猶叫Okinawa做琉球。
琉球佮中國福建的福州關係成深，今仔日福州市的臺江區猶有琉球館 (柔遠驛)，古早是用來帶琉球人的。
歷史[edit]
根據琉球官方寫的歷史冊中山世鑑，中山世譜佮球陽記事的講法，琉球群島是由女神Amamikyu創造的。後尾Amamikyu的大囝成做琉球上早的國王，叫做天孫氏。天孫氏傳15國王，予人篡位，全國大亂。 1187年，由Urasoe的Aji Shunten統一琉球。
Shunten王朝傳到第3代， niō為予丞相Eiso。 Eiso王朝傳到第4國王Tamagushiku的時陣，琉球分成中山，南山佮北山3个國家， Tamagushiku獨獨統治上強大的中山。 1349年，中山王Seii死了以後， Urasoe的Aji Sattochiōⁿ台。 1372年，派人去明朝朝貢， 1392年，明太祖派閩人三十六姓去琉球蹛，幫贊彼搭的發展。這寡人都蹛久米村遐，對琉球的外交貢獻真大。
1406年，中山國王Bunei予南山的一个將軍尚巴志趕下台，尚巴志讓伊阿爸尚思紹做國王，建立第一尚氏王朝。尚巴志佇1429年滅亡其他2个國家，統一琉球。
15到16世紀是琉球的黃金時期，彼時候的琉球真富，佮中國，朝鮮，泰國等等國家攏有做生理。1469年，國王尚德予大臣上烷篡位。這上烷建立第二尚氏王朝。琉球佇上烷的囝上真手咧最強大，拍下Yaeyama佮Miyako。伊的囝尚清在位的時候，又拍下Amami群島，這時候的國土面積最大。日本發動侵略朝鮮的壬辰倭亂的時候，琉球刁持幫贊明朝佮朝鮮。 1609年，日本報復琉球，派部隊去拍，將國王尚寧掠去，這代誌就是己酉倭亂。 2年以後因為驚明朝，將尚寧放轉厝。但是日本將琉球的Amami群島奪去，又派兵仔監視伊的內政，彼時以後琉球實際已經變成日本的父楊國家了。
1871年，琉球的船因為風颱漂到台灣，坐佇船內面的人予台灣原住民刣死。日本藉遮代誌拍台灣，迫清國承認這是 „保民義舉“ (保民義舉)。第2年就用這來講清國承認 „琉球是日本的“，單方面將琉球降做家己的一个翻。琉球國王尚泰派人去東京抗議，日本人根本無理醫。尚泰閣派人去清國遐告狀，最終日本人惱了，佇1879年將琉球滅掉。
彼時候大部分琉球人對日本的統治真不滿，日本的明治天皇驚怹反抗，將尚泰佮伊的家族攏綁架到東京遐蹛。真濟反對日本的琉球人走去中國，有个佇北京，有的佇天津，有个佇福州。怹欲想讓清國出兵去拍日本，佇總理衙門遐直直講。 1894年甲午戰爭爆發的時候，怹勸清國拍琉球，毋過清國的皇帝無廳。聽講清國佮日本發生戰爭，反對日本的琉球人攏真歡喜，向望清國的部隊拍過來 „解放琉球“，結果無看著伊的影。最終清國戰敗，將台灣割後日本，琉球獨立也無希望了。來中國的琉球人也感覺無望，無偌久攏轉厝了。
政治[edit]
琉球最高的統治者是國王，琉球人叫伊 „Ushū Ganashii“ (御主加那志) 抑是 „Shuri Ten Ganashi“ (首里天加那志)。王后有Sashiki Magiri (佐敷間切) 的封地，叫做 „Sashiki Aji Ganashi“ (佐敷按司加那志)。太子叫做 „Kani Ganashii“ (黄金加那志)，因為有Nagagusuku Magiri (中城間切) 的封地，也叫做 „Nagagusuku Udun“ (中城御殿)。
琉球最大的官是攝政 (摂政)，只由王子來做，毋過伊只管禮儀，無權力。實際最大的官是三司官 (三司官)，也叫做法司 (法司)，相當中國的丞相 (丞相)。這官袂使由王族的人來做。下跤是表十五人 (表十五人)，相當中國六部 (六部) 的部長。
軍事[edit]
琉球無正式的部隊，毋過有家己的自衛武裝組織。 1554年，經過國王尚清的改革，正式確定武裝組織的 „Koori Hiki制度“ (庫理・ヒキ制度)。
琉球佇首都Shuri附近設12隊Hiki (ヒキ)，一隊廿幾的人。 Hiki是國王的衛隊，平均分成3組， 3个三司官一个人講一个組，每的組有4隊。
北山設北山監守 (北山監守) 的警衛，講一个幾百人的部隊，帶Nakijin城內面。
其他的地方由在第的Magiri官僚家己設民兵組織來維持治安。
行政單位[edit]
琉球規个國家分 „3省36島“ (三省三十六島)。 „3省“ 是指Okinawa島的中山，南山佮北山3个部分，正式名稱叫做Nakagami方 (中頭方)， Shimajiri方 (島尻方) 佮Kunigami方 (国頭方)，這3省的地區就是三山時代3个國家的領土 。 „36島“ 是指Miyako， Yaeyama， Yonaguni， Amami等等琉球下面講的島。
實際 „3省36島“ 佇琉球行政區域內抵是虛的講法，琉球根本無設省級的官僚佮行政機構。琉球實際最高的行政單位是Magiri (間切)，佇省級的會短，也叫做郡 (郡) 抑是府 (府)。 Shuri Mifira (首里三平等)，Naha (那覇)，Tomari (泊) 佮Kume (久米) 一般同齊叫做 „4府“，無包括佇Magiri來短。
Magiri下底是Mura (村)，也叫做春，是最低的行政單位。
身份制度[edit]
琉球的身份制度佇1509年確定，後尾法律化，分9品 (品) 18階 (階)。
琉球最權的氏王族，無佇9品18階內短，予人叫做Udun。王族分Ōji (王子) 佮Aji (按司) 2種，其中Ōji是國王的囝。
高級士族的官位按正1品到從4品，叫做Samure (侍) 抑是Yukatchu (良人)。
一般士族是子正5品之下的士族。一般士族的關為有Satunushi Peechin (里之子親雲上)， Chikudun Peechin (筑登之親雲上)， Satunushi (里之子)， Satunushi (里主)， Chikudun (筑登之)， Shii (子) 佮Niya (仁屋) 7種。
一般士族分Satunushi家族 (里之子筋目) 佮Chikudun家族 (筑登之筋目) 2種。 Satunushi家族成員的升官順序是: Chii， Satunushi， Satunushi Peechin，較權就是高級士族的Peekumii; Chikudun家族成員的升官順序是: Chii， Satunushi， Chikudun Peechin，較懸也是Peekumii。
高級士族佮一般士族攏有家譜 ，叫做Keimochi (系持チ)，意思是 „有家譜的“。百姓無家譜 ，叫做Mukei (無系)。也有百姓有功勞，先去做士族，叫做新參士族 (新參士族)。新參士族做低的官位是Niya。
經濟[edit]
琉球的領土真細，無法度發展農業做基礎的經濟，獨獨有辦法透過對外貿易得到錢財。琉球向中國朝貢，得到真濟物資; 伊的地理所在重要，就按呢變成日本佮東南亞國家對中國貿易的 „總代理“。
琉球向中國出口日本的白銀，漆器，to劍，屏風，佮葵扇，將中國的漢藥，瓷仔，絲綢，銅錢賣到日本佮朝鮮，又將東南亞，印度佮阿拉伯國家的犀牛角，蘇木，芳料，錫，傳，象牙等等的物件賣去中國，日本佮朝鮮。琉球佇彼時候由轉口貿易內底趁到真濟錢，予人叫做 „萬國津樑“ (萬國津樑)，意思是差不to所有欲想做對外貿易的生里人攏由這搭行。
毋過，到1609年日本侵略琉球以後，禁止琉球佮朝鮮，東南亞等等國家做生理，琉球向中國進貢得到的物件大部分後日本奪去，琉球愈變愈窮。經過向象賢 (Haneji Tyôsyû) 佮蔡溫兩个人的努力，經濟才開始有一寡仔好。毋過，到19世紀，又開始變窮，餓死真濟人，琉球國王想真濟方式去救，攏無法度解決。
琉球最早無貨幣。 1413年，明成祖送予琉球 „永樂通寶“ (永樂通寶) 的錢。對彼時候開始，琉球使銅錢。
琉球有做過幾種家己的銅錢，包括尚泰久的大世通寶 (大世通寶)，尚德的世高通寶 (世高通寶)，上烷的金圓世寶 (金圓世寶) 佮上真的中山通寶 (中山通寶)。對1656年開始，琉球用鳩目錢 (鳩目錢) 做貨幣。這鳩目錢質量真歹，子佇伊家己國家咧使用。
除了家己的錢，琉球也用中國的洪武通寶 (洪武通寶)，永樂通寶，佮日本的寬永通寶 (寬永通寶)。
法律[edit]
琉球的法律分死刑佮輕刑 (輕刑) 2種。其中，死刑分凌遲，刣頭，槍刺 (槍刺) 3種。凌遲專門用來刣欲想造反的人。槍刺是將犯人縛佇十字架面頂，用槍托心臟刣死，然後將頭鏨去。輕型分流放，曝日，夾 (夾)，枷 (枷，夯枷遊街)，笞 (笞，用索拍)。
琉球人性格較老實，就按呢法律也較簡單，全國攏無設法院。若是有案件，導向三司官告狀，由三司官 (三司官) 來判。
文化[edit]
琉球音樂。
Karate。
琉球文化受到中國，日本2个國家的影響，但是琉球有家己的色个文化。
佇1537年到1623年之間，琉球編過歷史內面頭部琉歌集 (琉歌集)，叫做 „Omoro saosi“ (おもろさうし)。其中， „Omoro“ 佇琉球語內抵是 „歌“ 的意思。 „Omoro saosi“ 內面有琉歌1554首。
17世紀的時候，抒情 (抒情) 的琉歌做流行。琉歌最常的樣式是8， 8， 8， 6彼款的30音樣式，佮日本的和歌 (和歌) 真上。
琉球人用這種名字叫做 „sansin“ (三線) 的琴。這sansin是由中國的三弦 (三弦) 發展來的，後尾傳到日本的Kyûsyû，發展城 „syamisen“ (三味線)。
琉球的工藝受到福建真大的影響，琉球漆器是對福州的脫胎漆器 (脫胎漆器) 發展來的。
明朝的時候，閩人三十六姓將中國武術帶到琉球，發展從琉球家己的武術 „tii“ (ティー)，最後發展城今仔日的Karate。
醫學佮技術[edit]
琉球的醫學受到福建的影響。古早真濟日本的醫生經過琉球去福建學習，有醫生因為風颱無法度去福建，就留佇琉球。比較出名的是專門予尚寧看病的醫生Yamazaki Nikyû (山崎 二休)。
琉球歷史內底也有真濟出名的醫生，其中真濟人有去中國留學過。球陽記事 (球陽記事) 內面講，琉球派過人去福州學內科，外科，佇天花等等的醫療技術。 1846年，琉球醫生Nakati Kizin (仲地 紀仁) 向傳教士Bernard Jean Bettelheim學種珠 (種珠) 佇天花的方法。
1787年，琉球人Tobi Asato (飛び安里) 發明一款飛行機。
宗教[edit]
Utaki.
琉球人信琉球神道，日本神道，佛教，儒教佮道教，以後也有人信基督教。
琉球神道是琉球來源始家己的宗教，包括拜祖先，信Utaki (御嶽)，信Niraikanai (ニライカナイ)，信Onarigami (おなり神) 等等。按琉球神道的講法，人始矣以後會去Niraikanai內面去，變成這个庇佑家族的神bêng。這神明會定期轉厝看，庇佑家族的平安。就按呢琉球人佮中國人像款，會供奉家己的祖先。琉球人特別信山水佮森林的神明，這就是Utaki信仰。琉球人也佮福建人彼款信土地公，琉球人叫伊 „Tudiikuu“ (トゥティークー )。
佇琉球神道內短，查某的地位真權。琉球神道的祭司叫做Noro (ノロ)，民間的尪姨叫做Yuta (ユタ)。規的國家做高的Noro是Kikoe Ōkimi (聞得大君)，一般由國王的姐妹抑是查某人來做。
佛教差不to佇13世紀的時候傳到琉球。圓覺寺 (圓覺寺)，天王寺 (天王寺) 佮天界寺 (天界寺) 同齊叫做 „琉球3大是“，但是佇第二次世界大戰的時候，日本人佇遮起軍事期第，最後這3个是予美國的飛行機炸歹去。
琉球人也信道教，有拜祖先佮季紙的習慣。像拿公 (拿公)，拿婆 (拿婆)，臨水夫人 (臨水夫人)，陳尚書 (陳尚書) 佮媽祖這款福建的道教神明，攏有琉球人拒廟來供奉。
1622年，頭一个基督教傳教士來琉球的Yaeyama傳教。 1844年，法國傳教士Théodore-Augustin Forcade來琉球，伊是頭一个教Okinawa島傳教的人。 1846年，英國人Bernard Jean Bettelheim來Okinawa傳教，佇遮學習Okinawa語，伊是世界面頂頭一个用Okinawa語翻譯聖經的人。
參照[edit]
注跤[edit]
參考文獻[edit]
- 真境名安興『沖縄一千年史』（真境名安興全集第一巻）琉球新報社 1993年
- 『沖縄門中大事典』那覇出版社 1998年 ISBN 4-89095-101-6
- 上里隆史、「古琉球の軍隊とその歴史的展開」『琉球アジア社会文化研究』 5号 p.105-128， 2002-10，琉球アジア社会文化研究会，NAID 40005617274
外部連結[edit]
日本
