Che Guevara

Ernesto Guevara (1928年 (nî)5月 (goe̍h)14 – 1967年 10月9) 是 (sī)拉丁 (La-teng)美洲 (Bí-chiu)的 (ê)1个 (ê)Marx主義 (chú-gī)革命家 (kek-bēng-ka)，外界 (gōa-kài)稱呼 (chheng-ho͘)伊 (i)號做 (hō-chò)這 (Che)Guevara。伊佇 (tī)Cuba革命 (Kek-bēng)當中 (tang-tiong)擔任 (tam-jīm)重要 (tiōng-iàu)的角色 (kak-sek)。

Guevara出世 (chhut-sì)佇Argentina 1个中產 (tiong-sán)階級 (kai-kip)的家庭 (ka-têng)。醫學院 (I-ha̍k-īⁿ)畢業 (pit-gia̍p)進前 (chìn-chêng)伊離開 (lī-khui)Buenos Aires去 (khì)南 (Lâm)美洲各地 (kok-tē)旅行 (lí-hêng); 織的 (chit-ê)經驗 (keng-giām)對 (tùi)伊的人生 (jîn-seng)產成 (sán-sêng)成 (chiâⁿ)大 (tōa)的影響 (éng-hióng)。伊去佮 (kah)Cuba參加 (chham-ka)Fidel Castro娶的 (chhōa--ê) "7月26運動 (Ūn-tōng)"，怹 (in)佇1959年成功 (sêng-kong)掌握 (chiáng-ak)著 (tio̍h)政權 (chèng-koân)。伊佇新 (sin)政府 (chèng-hú)內面 (lāi-bīn)擔任過 (kòe)幾若的 (kúi-nā-ê)高層 (ko-chân)的職位 (chit-ūi)，總是 (chóng--sī)選擇 (soán-te̍k)佇1966年離開Cuba去到 (kàu)第三世界 (tē-saⁿ-sè-kài)國家 (kok-ka)支援 (chi-oān)左派 (chó-phài)革命。頭起先 (Thâu-khí-seng)去佇Congo民主 (Bîn-chú)共和國 (Kiōng-hô-kok)，後來 (āu--lâi)佇Bolivia。佇遐 (hia)美國 (Bí-kok)中央 (Tiong-iong)情報局 (Chêng-pò-kio̍k)鬥 (tàu)設計 (siat-kè)1个軍事 (kun-sū)行動 (hêng-tōng)成功掠 (lia̍h)著伊，了後 (liáu-āu)將 (chiong)伊刣死 (thâi--sí)。

伊過身 (kòe-sin)了後名聲 (miâ-siaⁿ)若 (ná)來 (lâi)若大，會使 (ē-sái)講 (kóng)是濟濟 (chē-chē)社會主義 (siā-hōe-chú-gī)革命運動的英雄 (eng-hiông)。甚址 (Sīm-chí)佇一寡仔 (chi̍t-kóa-á)大學 (tāi-ha̍k)校園 (hāu-hn̂g)嘛 (mā)捌 (bat)時行 (sî-kiâⁿ)搭 (tah)伊的海報 (hái-pò)。