府城 (Hú-siâⁿ)三郊 (Sam-kau) (府城三郊) 是 (sī)1720年代 (nî-tāi)前後 (chêng-āu)成立 (sêng-li̍p)的 (ê)台灣 (Tâi-oân)清朝 (Chheng-tiâu)統治 (thóng-tī)時代 (sî-tāi)臺南 (Tâi-lâm)地區 (tē-khu)的商業 (siong-gia̍p)公會 (kong-hōe)組織 (cho͘-chit)。共 (Kā)安平港 (An-pêng-káng)佮 (kap)臺江 (Tâi-kang)當做 (tòng-chò)經商 (keng-siong)根據地 (kin-kì-tē)的三 (saⁿ)个 (ê)郊商 (kau-siong)分別 (hun-pia̍t)是北郊 (pak-kau)蘇萬利 (So͘-bān-lī)，南郊 (lâm-kau)金永順 (Kim-éng-sūn)佮糖郊 (thn̂g-kau)李勝興 (Lí-sèng-heng)。
治 (Tī)經濟上 (keng-chè-siōng)，這 (chit)三間 (keng)郊商會 (ē)合作 (ha̍p-chok)嘛 (mā)會競爭 (kēng-cheng)，並且 (pēng-chhiáⁿ)是佇 (tī)台灣社會 (siā-hōe)上 (siōng)除了 (tû-liáu)地主 (tē-chú)以外 (í-goā)的另外 (lēng-goā)一 (chi̍t)種 (chióng)大型 (toā-hêng)民間 (bîn-kan)力量 (le̍k-liōng)。事實上 (Sū-si̍t-siōng)，這 (che)攏總 (lóng-chóng)百外 (pah-goā)間來往 (lâi-óng)唐山 (Tn̂g-soaⁿ)佮台灣的商號 (siong-hō)所 (só͘)組成 (cho͘-sêng)的三郊，毋但 (m̄-nā)順紲 (sūn-soà)帶動 (tài-tōng)了 (liáu)臺南地區的商業發展 (hoat-tián)，嘛予 (hō͘)臺南府城 (Tâi-lâm-hú-siâⁿ)維持 (î-chhî)了誠 (chiâⁿ)久 (kú)的台灣首府 (siú-hú)的地位 (tē-ūi)。所以 (Só͘-í)才 (chiah)會出現 (chhut-hiān)一 (it)父 (Hú)二 (jī)落 (Lo̍k)三艋舺 (Báng-kah)的俗語 (sio̍k-gí)。
