Kang-gia̍p hn̂g-khu

工業 (Kang-gia̍p)園區 (hn̂g-khu) (工業園區) 是 (sī)劃定 (oe̍h-tēng)一定 (it-tēng)範圍 (hoān-ûi)的 (ê)土地 (thó͘-tē)，先 (seng)規劃 (kui-ōe)，專門 (choan-bûn)供應 (kiong-èng)予 (hō͘)工業設施 (siat-si)佮 (kap)工業使用 (sú-iōng)的地區 (tē-khu)。工業園區的設置 (siat-tì)通常 (thong-siông)是為著 (ūi-tio̍h)欲 (beh)促進 (chhiok-chìn)地方 (tē-hng)的經濟 (keng-chè)發展 (hoat-tián)，增加 (cheng-ka)就業 (chiū-gia̍p)機會 (ki-hōe)所 (só͘)來 (lâi)設立的 (siat-li̍p--ê)。

工業園區的用途 (iōng-tô͘)相當 (siong-tong)多元 (to-goân)，除了 (tû-liáu)工廠 (kang-chhiúⁿ)，辦公室 (pān-kong-sek)等 (téng)一般 (it-poaⁿ)工業設施以外 (í-gōa)，嘛 (mā)會當 (ē-tàng)提供 (thê-kiong)高科技 (ko-kho-ki)產業 (sán-gia̍p)使用，甚至 (sīm-chì)有 (ū)研究 (gián-kiù)佮學術 (ha̍k-su̍t)機構 (ki-kò͘)進駐 (chìn-chù)。工業園區若 (nā)有經過 (keng-kòe)妥善 (thò-siān)的開發 (khai-hoat)，通常會 (ē)發展成做 (chiâⁿ-chò)一 (chi̍t)个 (ê)產業聚落 (chū-lo̍k)。

佇 (Tī)台灣 (Tâi-oân)通常會進駐工業園區的產業類型 (lūi-hêng)攏 (lóng)是早期 (chá-kî)較 (khah)發達 (hoat-ta̍t)的產業，親像 (chhin-chhiūⁿ)食品 (si̍t-phín)製造業 (chè-chō-gia̍p)，紡織業 (pháng-chit-gia̍p)，成衣業 (sêng-i-gia̍p)，毛料 (mô͘-liāu)製造業，傢俱業 (ka-kū-gia̍p)，造紙業 (chō-chóa-gia̍p)，石化業 (chio̍h-hòa-gia̍p)，運輸業 (ūn-su-gia̍p)，化學 (hòa-ha̍k)製造業，倉儲業 (chhng-tû-gia̍p)等。 1980年代 (nî-tāi)後 (āu)，才 (chiah)有科學 (kho-ha̍k)園區的發展。