李 (Lí)國鼎 (Kok-téng) (李國鼎; 1910年 1月28日 – 2001年 5月31日) 是 (sī)台灣 (Tâi-oân)的 (ê)政治家 (chèng-tī-ka)兼 (kiam)經濟學家 (keng-chè-ha̍k-ka)。伊 (I)佇 (tī)中國 (Tiong-kok)南京 (Lâm-kiaⁿ)出世 (chhut-sì)，國立 (Kok-li̍p)中央 (Tiong-iong)大學 (Tāi-ha̍k)物理學 (bu̍t-lí-ha̍k)學士 (ha̍k-sū)。伊是 "台灣經濟 (keng-chè)奇蹟 (kî-chek)的重要 (tiōng-iàu)推捒者 (thui-sak-chiá)" 抑 (ia̍h) "台灣的科技 (kho-ki)教父 (kàu-hū)" 等 (téng)。伊捌 (bat)做 (chò)過 (kòe)中華 (Tiong-hôa)民國 (Bîn-kok)經濟部 (Keng-chè-pō͘)佮 (kap)財政部 (Châi-chèng-pō͘)部長 (pō͘-tiúⁿ)。在任 (Chāi-jīm)時 (sî)推動 (thui-tōng)濟濟 (chē-chē)經濟建設 (kiàn-siat)，佇1982年 (nî)推動修正 (siu-chèng)科學 (Kho-ha̍k)技術 (Ki-su̍t)發展 (Hoat-tián)方案 (Hong-àn) (科學技術發展方案)，選擇 (soán-te̍k)能源 (lêng-goân)，自動化 (chū-tōng-hòa)，材料 (châi-liāu)，資訊 (chu-sìn)，生物 (seng-bu̍t)科技，光電 (kng-tiān)，食品 (si̍t-phín)科技，佮肝炎 (koaⁿ-iām)防治 (hông-tī)等8項 (hāng)做為 (chò-ûi)重點 (tiōng-tiám)科技項目 (hāng-bo̍k)。
