細胞 (Sè-pau)分化 (hun-hòa) (細胞分化) 是 (sī)發生 (hoat-seⁿ)生物學 (seng-bu̍t-ha̍k)的 (ê)一 (chi̍t)項 (hāng)研究 (gián-kiù)課題 (khò-tê); 研究多細胞 (to-sè-pau)生物 (seng-bu̍t)的幹細胞 (kàn-sè-pau)咧 (teh)分裂 (hun-lia̍t)的時陣 (sî-chūn)，伊的 (i-ê)子細胞 (chú-sè-pau)的遺傳子 (ûi-thoân-chú)表達 (piáu-ta̍t)受著 (siū-tio̍h)調控 (tiâu-khòng)，落尾 (lo̍h-bóe)變做 (piàn-chò)無仝 (bô-kāng)細胞類型 (lūi-hêng)的過程 (kòe-têng)。比論 (Pí-lūn)講 (kóng)全能 (choân-lêng)的受精卵 (siū-cheng-loán)佇 (tī)分裂到 (kàu)一定 (it-tēng)程度 (thêng-tō͘)的時 (sî)，伊的子細胞就 (tiō)會 (ē)開始 (khai-sí)向 (hiòng)特定 (te̍k-tēng)的方向 (hong-hiòng)來 (lâi)分化，形成 (hêng-sêng)胎兒 (the-jî)的筋肉 (kin-bah)，骨頭 (kut-thâu)佮 (kap)毛髮 (mo͘-hoat)等 (téng)器官 (khì-koan)。分化了後 (liáu-āu)的細胞佇伊的結構 (kiat-kò͘)佮功能 (kong-lêng)上 (siōng)攏 (lóng)會出現 (chhut-hiān)差別 (chha-pia̍t)，而且 (jî-chhiáⁿ)成做 (chiâⁿ-chò)所謂 (só͘-ūi)的 "單能性 (tan-lêng-sèng)" (unipotent) 細胞，也就是 (iā-chiū-sī)會當 (ē-tàng)分裂出 (chhut)有 (ū)仝款 (kāng-khoán)功能的子細胞。毋過 (M̄-koh)，所有 (só͘-ū)的子細胞的遺傳子攏參 (chham)原底 (goân-té)的幹細胞仝款。研究細胞分化對 (tùi)理解 (lí-kái)病疼 (pēⁿ-thiàⁿ)的發生 (hoat-seng)有重要 (tiōng-iàu)意義 (ì-gī)。