新聞 (Sin-bûn)雜誌 (cha̍p-chì) (新聞雜誌; newsmagazine) 一般 (it-poaⁿ)是 (sī)共 (kā)時事 (sî-sū)報導 (pò-tō)做 (chò)特寫 (te̍k-siá)的 (ê)周刊 (chiu-khan)。新聞雜誌普遍 (phó͘-phiàn)比 (pí)報紙 (pò-chóa)深入 (chhim-ji̍p)報導，予 (hō͘)讀者 (tho̍k-chiá)了解 (liáu-kái)周圍 (chiu-ûi)重大 (tiōng-tāi)事件 (sū-kiāⁿ)的背景 (pòe-kéng)，毋但 (m̄-nā)是事實 (sū-si̍t)的表面 (piáu-bīn)。新聞雜誌的報導方式 (hong-sek)嘛 (mā)影響 (éng-hiáng)著 (tio̍h)其他 (kî-thaⁿ)領域 (léng-he̍k)的傳播 (thoân-pò͘)媒體 (mûi-thé); 像 (chhiūⁿ)電視台 (tiān-sī-tâi)佮 (kap)廣播 (kóng-pò)電台 (tiān-tâi)的深度 (chhim-tō͘)報導類型 (lūi-hêng)的節目 (chiat-bo̍k)，就 (tio̍h)是一種 (chi̍t-chióng)影音化 (iáⁿ-im-hòa)的新聞雜誌。
