Pì-sù

真賁思的查某囡仔

賁思 (Pì-sù) (英文 (Eng-bûn): shyness) 是 (sī)咧 (teh)近倚 (kīn-oá)別人 (pa̍t-lâng)的 (ê)時陣 (sî-chūn)所 (só͘)感覺 (kám-kak)著 (tio̍h)的驚惶 (kiaⁿ-hiâⁿ)，無 (bô)爽快 (sóng-khoài)，礙虐 (gāi-gio̍h)的情形 (chêng-hêng); 這 (chit)款 (khoán)情形一般 (it-poaⁿ)發生 (hoat-seng)佇 (tī)接觸 (chiap-chhiok)著新的 (sin-ê)環境 (khoân-kéng)抑是 (ia̍h-sī)星分人 (chheⁿ-hūn-lâng)的時陣。賁思的展現 (tián-hiān)可能 (khó-lêng)是自尊心 (chū-chun-sim)較低 (khah-kē)的人格 (jîn-keh)特質 (te̍k-chit)。賁思的情形若是 (nā-sī)非常 (hui-siông)的明顯 (bêng-hián)而且 (jî-chhiáⁿ)強烈 (kiông-lia̍t)，一般就 (chiū)會 (ē)號做 (hō-chò)社交 (siā-kau)不安 (put-an)障礙 (chiòng-gāi)。

賁思的主耀 (chú-iāu)特徵 (te̍k-teng)是會掛心 (kòa-sim)，有時 (ū-sî)甚至 (sīm-chì)是恐驚 (khióng-kiaⁿ)，別人按怎 (àn-chóaⁿ)來 (lâi)看待 (khòaⁿ-thāi)家己 (ka-kī)。賁思的結果 (kiat-kó)可能會變成 (piàn-sêng)恐驚社交上 (siōng)的負面 (hū-biān)效應 (hāu-èng)，親像 (chhin-chhiūⁿ)恥笑 (thí-chhiò)，侮辱 (bú-jio̍k)，批評 (phoe-phêng)佮 (kap)拒絕 (kī-choa̍t)等等 (téng-téng); 造成 (chō-sêng)放棄 (hòng-khì)原本 (goân-pún)想欲 (siūⁿ-beh)左 (chò)的代誌 (tāi-chì)，毋 (m̄)敢 (káⁿ)去 (khì)講 (kóng)原來 (goân-lâi)欲 (beh)講的畫 (ōe)。賁思的人 (lâng)落尾 (lo̍h-bóe)有 (ū)可能會直接 (ti̍t-chiap)迴避 (hôe-pī)社交的場面 (tiûⁿ-bīn)，加減 (ke-kiám)攏 (lóng)會去影響 (éng-hióng)就 (tio̍h)個體 (kò-thé)佇社會 (siā-hōe)上的人際 (jîn-chè)關係 (koan-hē)。