水 (Súi) (英文 (Eng-bûn): beauty) 是 (sī)哲學 (tiat-ha̍k)的 (ê)一 (chi̍t)个 (ê)概念 (kài-liām)。專門 (Choan-bûn)咧 (teh)研究 (gián-kiù)水的學科 (ha̍k-kho)是美學 (bí-ha̍k)，伊 (i)是哲學的一个分支 (hun-chi)。水的哲學定義 (tēng-gī)是具體 (kū-thé)物件 (mi̍h-kiāⁿ)的組成 (cho͘-sêng)部分 (pō͘-hūn)，是具體環境 (khoân-kéng)，現象 (hiān-siōng)，代誌 (tāi-chì)，行為 (hêng-ûi)，物體 (bu̍t-thé)對 (tùi)人類 (jîn-lūi)的生存 (seng-chûn)發展 (hoat-tián)具有 (kū-iú)的特殊 (te̍k-sû)性能 (sèng-lêng)，正面 (chiàⁿ-bīn)意義 (ì-gī)佮 (kap)價值 (kè-ta̍t)。水是人群 (jîn-kûn)咧密切 (bi̍t-chhiat)接觸 (chiap-chhiok)具體物件，受著 (siū-tio̍h)伊的 (i-ê)刺激 (chhì-kek)佮影響 (éng-hióng)來 (lâi)產生 (sán-seng)了 (liáu)心適 (sim-sek)佮滿足 (boán-chiok)的美好 (bí-hó)感覺 (kám-kak)了後 (liáu-āu)，對具體物件中 (tiong)分解 (hun-kái)和 (hām)抽取 (thiu-chhú)出來 (chhut-lâi)佮bái相對 (siong-tùi)的抽象 (thiu-siōng)概念。水是具體物件的組成部分，伊無法度 (bô-hoat-tō͘)離開 (lī-khui)具體物件來單獨 (tan-to̍k)存在 (chûn-chāi)。
