Tâi-oân-séng Chham-gī-hōe

台灣省參議會的位置

臺灣省 (Tâi-oân-séng)參議會 (Chham-gī-hōe) (臺灣省參議會) 是 (sī)台灣省 (Tâi-oân-séng)議會 (Gī-hōe)的 (ê)前身 (chiân-sin)，戰後 (chiàn-āu)初期 (chho͘-kî)台灣省的最高 (chòe-ko)民意 (bîn-ì)機關 (ki-koan)。1946年 (nî)5月 (goe̍h)1號 (hō)成立 (sêng-li̍p)，1951年12月廢止 (hòe-chí)。參議會設 (siat)佇 (tī)臺北市 (Tâi-pak-chhī)南海路 (Lâm-hái-lō͘)佮 (kap)泉州路 (Choân-chiu-lō͘)挖角仔 (oat-kak-á)的原 (Goân)臺灣 (Tâi-oân)教育 (Kàu-io̍k)會館 (Hōe-koán)。

照 (Chiàu)1945年修訂 (siu-tēng)了後 (liáu-āu)的省參議員 (Séng-chham-gī-oân)選舉 (Soán-kí)條例 (Tiâu-lē) (省參議員選舉條例) 的規定 (kui-tēng)，省參議員透過 (thàu-kòe)間接 (kàn-chiap)選舉方式 (hong-sek)產生 (sán-seng)，也 (iā)就 (chiū)是由 (iû)各 (kok)縣市 (koān-chhī)參議會的參議員 (chham-gī-oân)來 (lâi)擔任 (tam-jīm)選舉人 (soán-kí-jîn)。原底 (Goân-té)規定每 (múi)縣市干焦 (kan-na)會當 (ē-tàng)選舉1人 (lâng)，後來 (āu-lâi)經過 (keng-kòe)台灣省行政 (Hêng-chèng)長官 (Tióng-koaⁿ)公署 (Kong-sú)呈報 (thêng-pò)國民 (Kok-bîn)政府 (Chèng-hú)核准 (he̍k-chún)了後，照人口 (jîn-kháu)調整 (tiâu-chéng)。 1946年4月15號，全 (choân)省 (séng)17縣市總共 (chóng-kiōng)撰 (soán)出 (chhut)第一屆 (tē-it-kài)省參議員30人，閣 (koh)加上 (ka-siōng)後來中央 (tiong-iong)遴選 (lîn-soán)6人，佮增額 (cheng-gia̍h)的山地籍 (soann-tē-che̍k)省參議員1人，攏總 (lóng-chóng)法定 (hoat-tēng)名額 (miâ-gia̍h)37人。