台灣文藝家協會 (台灣文藝家協會)， 1939年12月4號，由台灣詩人協會改組，佇臺北成立。會員總共62人，由黃得時佮西川滿做籌備委員。彼時參與的台灣作家有王育霖，王碧蕉，郭水潭，邱淳洸，邱永漢，黃得時，吳新榮，周金波，莊培初，張文環，楊熾昌，楊雲萍，藍蔭鼎，龍瑛宗，林芳年佮林夢龍等人。隔年的1月初1，協會的機關雜誌文藝台灣創刊，由日本作家西川滿擔任主編兼發行人。 1941年2月發行2鋼1號了後，協會為著欲配合日本帝國主義的宣傳佮響應皇民化運動來改組，會長是臺北地tāi教授使野風人，事務組長是西川滿。改組後，西川滿另外籌組文藝台灣社，文藝台灣嘛改由文藝台灣社發行，協會形同解散。尾仔，文藝台灣實際上成做西川滿一手主導的雜誌，被塑造做日本人外地文學的象徵，以浪漫佮優美的藝術至上主義為主。