Tōa Tâi-lâm Kong-chhia

大 (Tōa)臺南 (Tâi-lâm)公車 (Kong-chhia) (大台南公車) 是 (sī)臺南市 (Tâi-lâm-chhī)市區 (Chhī-khu)汽車 (Khì-chhia)客運 (Kheh-ūn)的 (ê)品牌 (phín-pâi)形象 (hêng-siōng)名稱 (miâ-chheng)。大臺南公車以 (í)臺南市公共 (kong-kiōng)運輸 (ūn-su)做為 (chò-ûi)主管 (chú-koán)機關 (ki-koan)的汽車服務 (ho̍k-bū)，主要 (chú-iàu)由 (iû) "幹支線 (kàn-chi-sòaⁿ)公車" (幹支線公車) 佮 (kap) "市區公車" (市區公車) 兩 (nn̄g)大部份 (pō͘-hūn)組成 (cho͘-sêng)。

2010年 (nî)12月 (goe̍h)25號 (hō)，台南縣 (Tâi-lâm-koān)佮臺南市 (省轄市 (séng-hat-chhī)) 轄區 (hat-khu)合併 (ha̍p-pèng)改制 (kái-chè)做 (chò)這馬 (chit-má)的臺南市 (直轄市 (ti̍t-hat-chhī)) 了後 (liáu-āu)，交通部 (Kau-thong-pō͘)公路 (Kong-lō͘)總局 (Chóng-kio̍k)嘉義區 (Ka-gī-khu)監理所 (Kàm-lí-só͘)共 (kā)路線 (lō͘-sòaⁿ)比例 (pí-lē)佇 (tī)臺南市轄域 (hat-he̍k)內 (lāi)超過 (chhiau-kòe)50% 个 (ê)公路汽車客運路線移交 (î-kau)予 (hō͘)臺南市政府 (Chèng-hú)監理 (kàm-lí)。遮的 (Chia-ê)原 (goân)公路汽車客運路線佇2013年3月至 (chì)2013年12月間 (kan)逐步 (tio̍k-pō͘)整併 (chéng-pèng)做6條 (tiâu)幹線 (kàn-sòaⁿ)公車路線佮74條支線 (chi-sòaⁿ)公車路線，以綠色 (le̍k-sek)，藍色 (nâ-sek)，棕色 (chang-sek)，柑仔色 (kam-á-sek)，黃色 (n̂g-sek)佮紅色 (âng-sek)分別 (hun-pia̍t)做為6條幹線公車系統 (hē-thóng)的識別 (sek-pia̍t)顏色 (gân-sek)，由興南 (Heng-lâm)客運佮新營 (Sin-iâⁿ)客運這 (chit)兩間 (keng)民營 (bîn-êng)汽車客運公司 (kong-si)經營 (keng-êng)。

大臺南公車的 "市區公車" 系統是原底 (goân-té)臺南市 (省轄市) 所 (só͘)轄 (hat)的6个市轄區 (chhī-hat-khu) (中西區 (Tiong-se-khu)，東區 (Tang-khu)，南區 (Lâm-khu)，北區 (Pak-khu)，安平區 (An-pêng-khu)佮安南區 (An-lâm-khu)) 佮永康區 (Éng-khong-khu)，仁德區 (Jîn-tek-khu)佮高雄市 (Ko-hiông-chhī)嘉定區 (Ka-tiāⁿ-khu)等 (téng)人口 (jîn-kháu)密集 (bi̍t-chi̍p)區 (khu)做為服務範圍 (hoān-ûi)的公共汽車服務，由府城 (Hú-siâⁿ)客運，興南客運佮四方 (Sù-hong)客運經營，大部份 (tāi-pō͘-hūn)路線承襲 (sêng-si̍p)合併前 (chêng)就 (chiū)已經 (í-keng)存在 (chûn-chāi)的臺南市 (省轄市) 市區汽車客運路線。

目前 (Bo̍k-chiân)，大臺南公車的營運 (êng-ūn)路線數 (sò͘)有 (ū)113條: 幹線公車6條，支線公車75條，市區公車20條，觀光 (koan-kong)公車4條，雙層 (siang-chân)巴斯 (pa-suh)1條，高鐵 (Ko-thih)快捷 (khoài-chia̍p)2條，彈性 (tân-sèng)接駁 (chiap-poh)公車7條。