Tiong-kǹg Chi̍p-thoân Chóng-pō͘ Tōa-lâu

中鋼大樓

中鋼 (Tiong-kǹg)集團 (Chi̍p-thoân)總部 (Chóng-pō͘)大樓 (Tōa-lâu) (中鋼集團總部大樓) 是 (sī)一 (chi̍t)棟 (tòng)佇 (tī)台灣 (Tâi-oân)高雄市 (Ko-hiông-chhī)前鎮區 (Chiân-tìn-khu)成功二路 (Sêng-kong-jī-lō͘)佮 (kap)復興三路 (Ho̍k-heng-sam-lō͘)路口 (lō͘-kháu)的 (ê)集合式 (chi̍p-ha̍p-sek)辦公 (pān-kong)大樓，近倚 (kīn-óa)高雄港 (Ko-hiông-káng)，是中鋼集團的總部所在地 (só͘-chāi-tē)。地上 (Tē-siōng)樓 (lâu)懸 (koân)29層 (chân)，地下 (tē-hā)4層的中鋼總部大樓用 (ēng)鋼構 (kǹg-kò͘)構造 (kò͘-chō)，外殼 (gōa-khak)是玻璃 (po-lê)帷幕 (ûi-bō͘)設計 (siat-kè)。大樓由 (iû)臺灣 (Tâi-oân)本土 (pún-thó͘)有名 (ū-miâ)的建築師 (kiàn-tio̍k-su)姚 (Iâu)仁喜 (Jîn-hí)佮伊的 (i-ê)大元 (Tāi-goân)聯合 (Liân-ha̍p)建築師事務所 (Sū-bū-só͘)設計，由永峻 (Éng-chùn)結構 (Kiat-kò͘)工程 (Kang-têng)顧問 (Kò͘-būn)負責 (hū-chek)結構規劃 (kui-ōe)。

除了 (Tû-liáu)做為 (chò-ûi)中鋼集團內 (lāi)各 (kok)相關 (siong-koan)單位 (tan-ūi)的辦公用途 (iōng-tô͘)以外 (í-gōa)，中鋼總部大樓的部分 (pō͘-hūn)樓層 (lâu-chân)嘛 (mā)對外 (tùi-gōa)出租 (chhut-cho͘)予 (hō͘)其他 (kî-thaⁿ)的企業 (khì-gia̍p)，佇大樓啟用 (khé-iōng)初期 (chho͘-kî)的有名租用戶 (cho͘-iōng-hō͘)包含 (pau-hâm)兆豐 (Tiāu-hong)銀行 (Gîn-hâng)，勤業 (Khîn-gia̍p)眾信 (Chiòng-sìn)聯合會計 (Hōe-kè)事務所，日商 (Ji̍t-siong)三菱 (Sam-lêng)日聯 (Ji̍t-liân)銀行佮美國 (Bí-kok)在 (chāi)臺 (Tâi)協會 (Hia̍p-hōe)高雄 (Ko-hiông)分處 (Hun-chhù)。

中鋼總部大樓並 (pēng)毋是 (m̄-sī)一个 (ê)獨立 (to̍k-li̍p)的開發案 (khai-hoat-àn)，早 (chá)佇彼 (hit)棟大樓興建 (heng-kiàn)進前 (chìn-chêng)，中鋼就 (tiō)已經 (í-keng)利用 (lī-iōng)周圍 (chiu-ûi)的用地 (iōng-tē)興建大型 (tōa-hêng)的商業 (siong-gia̍p)建築 (kiàn-tio̍k)予家樂福 (Ka-lo̍k-hok)佮宜家 (Gî-ke)傢俱 (Ka-kū)等 (téng)廠商 (chhiúⁿ-siong)承租 (sêng-cho͘)使用 (sú-iōng)，啊 (ah)佇周圍形成 (hêng-sêng)一个新興 (sin-heng)的商業購物區 (kò͘-bu̍t-khu)，是高雄市政府 (Chèng-hú)所 (só͘)推動 (chhui-tōng)透過 (thàu-kòe)港區 (káng-khu)都市 (to͘-chhī)更新 (keng-sin)的高雄多功能 (To-kong-lêng)經貿 (Keng-bō͘)園區 (Hn̂g-khu)的一部分。