茉莉 (Ba̍k-nī)或 (he̍k)茉莉花 (ba̍k-nī-hoe) (學名 (ha̍k-miâ): Jasminum sambac) 歸屬佇 (kui-sio̍k-tī)木犀科 (Bo̍k-sai-kho) (Oleaceae)，是 (sī)常綠 (siông-le̍k)灌木 (koàn-bo̍k)。原本 (Goân-pún)生佇 (seⁿ-tī)印度 (Ìn-tō͘)佮 (kap)阿拉伯 (A-la-pek)地區 (tē-khu)。伊 (I)佮意 (kah-ì)燒烙 (sio-lō)溡潤 (chhî-lūn)佮日頭 (ji̍t-thâu)炎 (iām)的 (ê)環境 (khoân-kéng)。伊有 (ū)芳味 (phang-bī)，定定 (tiāⁿ-tiāⁿ)予人 (hō͘-lâng)家日 (ka-ji̍t)茶米 (tê-bí)內底 (lāi-té)做 (chò)芳頭 (phang-thâu)，嘛 (mā)種 (chèng)佇 (tī)花園 (hoe-hn̂g)或花坩 (hoe-khaⁿ)看媠 (khoàⁿ-súi)。伊佇5月 (goe̍h)至 (chì)10月開花 (khui-hoe)。
茉莉欉 (châng)懸 (koân)0.5到 (kàu)2 m跤兜 (kha-tau)。莖 (Keng)誠 (chiâⁿ)幼 (iù)，有柔軟 (jiû-nńg)的毛 (mo͘)。
葉仔 (Hio̍h-á)對生 (tùi-seⁿ)，闊 (khoah)雞卵形 (ke-nn̄g-hêng)，末端 (boa̍t-toan)鈍鈍 (tūn-tūn)或塌塌 (lap-lap)，基部 (ki-pō͘)圓形 (îⁿ-hêng)，邊緣 (pian-iân)全緣 (choân-iân)。
花 (Hoe)白色 (pe̍h-sek)，芳芳 (phang-phang)，傘房 (sàn-pâng)花序 (hoe-sū); 花齶 (hoe-go̍k)裂片 (li̍h-phìⁿ)是線條形 (soàⁿ-tiâu-hêng); 花冠 (hoe-koan)形狀 (hêng-chōng)是深 (chhim)撇仔 (phiat-á)的款 (khoán)，花葉 (hoe-hio̍h)長 (tn̂g)橢圓形 (thó-îⁿ-hêng)或圓形; 雄蕊 (hiông-lúi)2粒 (lia̍p)覕 (bih)佇花冠撇仔底 (té)。
果子 (Koé-chí)是漿果 (chiuⁿ-kó)。
