犯罪 (Hoān-chōe)心理學 (sim-lí-ha̍k) (犯罪心理學) 是 (sī)一 (chi̍t)門 (mn̂g)咧 (teh)研究 (gián-kiù)犯罪事件 (sū-kiāⁿ)相關 (siong-koan)人物 (jîn-bu̍t)行為 (hêng-ûi)的 (ê)科學 (kho-ha̍k)佮 (kap)犯罪因素 (in-sò͘)。和 (Hām)犯罪相關的人物，一般 (it-poaⁿ)代先 (tāi-seng)想著 (siūⁿ-tio̍h)犯罪人 (hoān-chōe-jîn)，另外 (lēng-gōa)也 (iā)包含 (pau-hâm)負責 (hū-chek)逮捕 (tāi-pó͘)，偵查 (cheng-cha)，追溯 (tui-sò͘)，審判 (sím-phòaⁿ)佮行刑 (hêng-hêng)的官員 (koaⁿ-oân)，猶閣 (iáu-koh)有 (ū)證人 (chèng-jîn)佮被害人 (pī-hāi-jîn)。犯罪心理學者 (sim-lí-ha̍k-chiá)會當 (ē-tàng)扮演 (pān-ián)鑑定人 (kàm-tēng-jîn)協助 (hia̍p-chō͘)法官 (hoat-koaⁿ)佮陪審團 (pôe-sím-thoân)來 (lâi)了解 (liáu-kái)犯人 (hoān-jîn)的心理 (sim-lí)佮證人記憶 (kì-ek)的可信性 (khó-sìn-sèng)問題 (būn-tê)。精神醫學 (Cheng-sîn-i-ha̍k)也會 (ē)處理 (chhú-lí)著 (tio̍h)一部份 (pō͘-hūn)的犯罪行為，尤其 (iû-kî)是精神病 (cheng-sîn-pēⁿ)犯罪人的治療 (tī-liâu)。