延平郡王祠 (Iân-pêng-kūn-ông-sû) (延平郡王祠) 位佇 (ūi-tī)台灣 (Tâi-oân)臺南市 (Tâi-lâm-chhī)中西區 (Tiong-se-khu)，較早 (khah-chá)是 (sī)臺灣府城 (Tâi-oân-hú-siâⁿ)的 (ê)油行尾街 (Iû-hâng-bóe-ke) (油行尾街) 所在 (só͘-chāi)。這 (Chit)間 (keng)廟 (biō)是清朝 (Chheng-tiâu)時代 (sî-tāi)上早 (siōng-chá)由 (iû)官方 (koaⁿ-hong)祭祀 (chè-sū)的鄭 (Tēⁿ)成功 (Sêng-kong)紀念祠 (kì-liām-sû)。伊的 (I-ê)前身 (chiân-sin)是民間 (bîn-kan)起 (khí)的開山王廟 (Khai-san-ông-biō) (開山王廟)。落尾 (Lo̍h-bóe)佇 (tī)日本 (Ji̍t-pún)時代被 (pī)改名 (kái-miâ)做 (chò)開山神社 (Khai-san-sîn-siā) (開山神社); 這 (che)是日本人 (Ji̍t-pún-lâng)佇台灣起的第一 (tē-it)間神社 (sîn-siā)，嘛 (mā)是二次 (Jī-chhù)世界 (Sè-kài)大戰 (Tāi-chiàn)進前 (chìn-chêng)日本海外 (hái-goā)唯一 (ûi-it)對 (ùi)廟改左 (kái-chò)神社的特例 (te̍k-lē)。不過 (Put-kò)這馬 (chit-má)的外觀 (goā-koan)已經 (í-keng)是1963年 (nî)動工 (tāng-kang)改建 (kái-kiàn)了後 (liáu-āu)的模樣 (bô͘-iūⁿ)，所以 (só͘-í)長久 (tn̂g-kú)以來 (í-lâi)攏 (lóng)無 (bô)成做 (chiâⁿ-chò)古蹟 (kó͘-chek)。臺南市政府 (chèng-hú)佇2010年才 (chiah)共 (kā)伊 (i)登錄 (teng-lo̍k)做臺南市第九 (tē-káu)座 (chō)歷史 (le̍k-sú)建築 (kiàn-tio̍k)。
延平郡王祠的門跤口
