有機 (Iú-ki)農業 (lông-gia̍p) (有機農業) 一般 (it-poaⁿ)的 (ê)要求 (iau-kiû)是 (sī)莫 (mài)使用 (sú-iōng)化學 (hoà-ha̍k)合成 (ha̍p-sêng)的農藥 (lông-io̍h)，化學合成肥料 (pûi-liāu)，基因 (ki-in)改造 (kái-chō)生物 (seng-bu̍t)，動物 (tōng-bu̍t)佮 (kap)植物 (si̍t-bu̍t)生長 (seng-tióng)調節劑 (tiâu-chiat-che)等等 (téng-téng)非天然 (hui-thian-jiân)物質 (bu̍t-chit)的農產品 (lông-sán-phín)生產 (seng-sán)加工 (ka-kang)過程 (kòe-têng)。有機農業相關 (siong-koan)標準 (piau-chún)佇 (tī)國際上 (kok-chè-siōng)有 (ū)多樣化 (to-iūⁿ-hoà)的發展 (hoat-tián)，但是 (tān-sī)濟濟 (chē-chē)國家 (kok-ka)有制定 (chè-tēng)相關的行政 (hêng-chèng)程序 (thêng-sū)或者 (he̍k-chiá)專屬 (choan-sio̍k)的法律 (hoat-lu̍t)進行 (chìn-hêng)各自 (kok-chū)境內 (kéng-lāi)通用 (thong-iōng)基本 (ki-pún)標準的一致化 (it-tì-hoà)佮法制化 (hoat-chè-hoà)，不過 (put-kò)通常 (thong-siông)共 (kā)相關的驗證 (giām-chèng)工課 (khang-khòe)開放 (khai-hòng)予 (hō͘)經會 (keng-kòe)認證 (jīm-chèng)的第三方 (tē-saⁿ-hong)組織 (cho͘-chit)，各國 (kok-kok)行政高句 (ko-kò͘)干焦 (kan-na)進行各 (kok)環節 (khoân-chiat)的監督 (kàm-tok)。相關標準的內容 (lōe-iông)有真 (chin)大 (toā)程度 (thêng-tō͘)是根據 (kin-kì)國際 (Kok-chè)有機農業運動 (Ūn-tōng)聯盟 (Liân-bêng)，一 (chi̍t)个 (ê)佇1972年 (nî)成立 (sêng-li̍p)，由 (iû)世界 (sè-kài)各地 (kok-tē)有機農業組織共同 (kiōng-tông)組成 (cho͘-sêng)的國際組織。
