工場 (Kang-tiûⁿ) (工場)，抑 (ia̍h)工廠 (kang-chhiúⁿ) (工廠)，是 (sī)咧 (teh)生產 (seng-sán)貨物 (hòe-bu̍t)的 (ê)大型 (tōa-hêng)工業 (kang-gia̍p)建築物 (kiàn-tio̍k-bu̍t)。大 (Tōa)部分 (pō͘-hūn)的工場攏 (lóng)有 (ū)設 (siat)大型機器 (ke-khì)抑由 (iû)設備 (siat-pī)構成 (kò͘-sêng)的生產線 (seng-sán-sòaⁿ)。
上 (Siāng)早期 (chá-kî)的工場 (比論 (pí-lūn)18世紀 (sè-kí)起 (khí)佇 (tī)英國 (Eng-kok)殖民地 (si̍t-bîn-tē)的工場) 並 (pēng)無 (bô)大型的自動化 (chū-tōng-hòa)機器。彼當陣 (Hit-tang-chūn)的工場純粹 (sûn-chhùi)是予 (hō͘)一 (chi̍t)陣 (tīn)從事 (chiông-sū)手工業 (chhiú-kang-gia̍p) (親像 (chhin-chhiūⁿ)紡織業 (pháng-chit-gia̍p)) 的工人 (kang-lâng)聚集 (chū-chi̍p)起來 (khí-lâi)，做伙 (chò-hóe)進行 (chìn-hêng)生產工課 (khang-khòe)。這 (Chit)種 (chióng)做法 (chò-hoat)較 (khah)好 (hó)管理 (koán-lí)，猶 (ah)原料 (goân-liāu)嘛 (mā)較會當 (ē-tàng)有效 (ū-hāu)分配 (hun-phòe)。
直到 (Ti̍t-kàu)動力 (tōng-le̍k)織布機 (chit-pò͘-ki)佮 (kap)蒸汽機 (cheng-khì-ki)等 (téng)機械 (ki-hāi)發明 (hoat-bêng)了後 (liáu-āu)，開始 (khai-sí)出現 (chhut-hiān)以 (í)機器生產的工場。機械佮可替換 (khó-thè-ōaⁿ)的零件 (lêng-kiāⁿ)後 (hō͘)生產閣較 (koh-khah)有效率 (hāu-lu̍t)，嘛減少 (kiám-chió)廢物 (hùi-bu̍t)。工場的大量 (tōa-liōng)出現是工業革命 (kek-bēng)的開端 (khai-toan)。
