MATLAB

MATLAB的logo

MATLAB，是 (sī)MATrix LABoratory的 (ê)縮寫 (sok-siá)，是一 (chi̍t)款 (khoán)由 (iû)美國 (Bí-kok)The MathWorks公司 (kong-si)出品 (chhut-phín)的商業 (siong-gia̍p)數學 (sò͘-ha̍k)軟體 (nńg-thé)。

MATLAB是一種 (chióng)提來 (the̍h-lâi)做 (chò)演算法 (ián-sǹg-hoat)開發 (khai-hoat)，資料 (chu-liāu)視覺化 (sī-kak-hòa)，資料分析 (hun-sek)佮 (kap)數值 (sò͘-ti̍t)計算 (kè-sǹg)的高階 (ko-kai)技術 (ki-su̍t)計算語言 (gí-giân)兼 (kiam)互動式 (hō͘-tōng-sek)環境 (khoân-kéng)。除了 (Tû-liáu)行列 (hâng-lia̍t)運算 (ūn-sǹg)，繪製 (hōe-chè)函式 (hâm-sek)抑 (ia̍h)資料圖像 (tô͘-siōng)等 (téng)定定 (tiāⁿ-tiāⁿ)使用 (sú-iōng)的功能 (kong-lêng)以外 (í-gōa)， MATLAB也 (iā)會當 (ē-tàng)提來建立 (kiàn-li̍p)使用者 (sú-iōng-chiá)介面 (kài-bīn)佮呼叫 (ho͘-kiò)其他 (kî-thaⁿ)語言，親像 (chhin-chhiūⁿ)C，C++，Java，Python佮Fortran，來 (lâi)編寫 (pian-siá)程式 (thêng-sek)。

雖然 (Sui-jiân)MATLAB主要 (chú-iàu)thēh來做數值運算，毋過 (m̄-koh)伊 (i)本身 (pún-sin)濟濟 (chē-chē)附加 (hù-ka) 的家私 (ke-si)箱仔 (siuⁿ-á) (toolbox) 也適合 (sek-ha̍p)無仝 (bô-kāng)領域 (léng-he̍k)的應用 (èng-iōng)，親像控制 (khòng-chè)系統 (hē-thóng)設計 (siat-kè)佮分析，圖像處理 (chhú-lí)，信號 (sìn-hō)處理佮通信 (thong-sìn)，金融 (kim-iông)建模 (kiàn-bô͘)佮分析等等 (téng-téng)。另外 (Lēng-gōa)閣 (koh)有 (ū)一个 (ê)配套 (phòe-thò)的軟體包 (pau)Simulink，提 (thê)kion-h一个視覺化的開發環境，捷 (chia̍p)佇 (tī)系統模擬 (bô͘-gí)，動態 (tōng-thài)系統開發等方面 (hong-bīn)使用。