Tâi-oân Bîn-chú Tóng

台灣 (Tâi-oân)民主 (Bîn-chú)黨 (Tóng) (台灣民主黨) 是 (sī)台灣日本 (Ji̍t-pún)時代 (sî-tāi)的 (ê)一 (chi̍t)个 (ê)境外 (kéng-gōa)政黨 (chèng-tóng)， 1932年 (nî)由 (iû)林 (Lîm)雲連 (Hûn-liân)，劉 (Lâu)邦漢 (Pang-hàn)，鄭 (Tēⁿ)鑑洲 (Kàm-chiu)等 (téng)人 (lâng)佇 (tī)中華 (Tiong-hôa)民國 (Bîn-kok)廣東省 (Kńg-tang-séng)廣州市 (Kńg-chiu-chhī)成立 (sêng-li̍p)。主張 (Chú-tiuⁿ)民族 (bîn-cho̍k)自決 (chū-koat)佮 (kap)台灣獨立 (to̍k-li̍p)，閣 (koh)強調 (kiông-tiāu)台灣有 (ū)成做 (chiâⁿ-chò)獨立國家 (kok-ka)的真 (chin)好 (hó)的條件 (tiâu-kiāⁿ)，毋過 (m̄-koh)抱持 (phō-chhî)著 (tio̍h)強烈 (kiông-lia̍t)的大 (tōa)漢族 (Hàn-cho̍k)思想 (su-sióng)。

台灣民主黨的組織 (cho͘-chit)大綱 (tāi-kong)開宗 (khai-chong)名義 (bêng-gī)主張 "根據 (kin-kì)民族自主 (chū-chú)精神 (cheng-sîn)，推翻 (thui-hoan)異民族 (ī-bîn-cho̍k)日本帝國主義者 (tè-kok-chú-gī-chiá)統治 (thóng-tī)，以 (í)建設 (kiàn-siat)台灣民族的民主國 (bîn-chú-kok)為 (ûi)目的 (bo̍k-tek)." 台灣民主黨經由 (keng-iû)黨員 (tóng-oân)大會 (tāi-hōe)推舉 (thui-kí)15位 (ūi)執行 (chip-hêng)委員 (úi-oân)，組織執行委員會 (úi-oân-hōe)，做為 (chò-ûi)政黨的最高 (chòe-ko)指揮 (chí-hui)機關 (ki-koan)。執行委員會下轄 (hā-hat)5个厝 (chhù)，包含 (pau-hâm)總務處 (chóng-bū-chhù)，宣傳處 (soan-thoân-chhù)，財政處 (châi-chèng-chhù)，軍事處 (kun-sū-chhù)佮糾察處 (kiù-chhat-chhù)等，辦理 (pān-lí)各 (kok)處 (chhù)事務 (sū-bū)。另外 (Lēng-gōa)，設 (siat)有監察 (kàm-chhat)委員會做為政黨的最高監察機關，由7位監察委員組成 (cho͘-sêng)。

毋過，台灣民主黨屬於 (sio̍k-î)日本時代的台獨 (Tâi-to̍k)思想，參 (chham)今仔日 (kin-á-ji̍t)的台獨思想像 (siāng)大的無仝 (bô-kāng)是: 彼个 (hit-ê)時期 (sî-kî)的台獨運動 (ūn-tōng)有強烈的漢族認同 (jīn-tông)佮中國 (Tiong-kok)思想; 佇政治 (chèng-tī)上 (siōng)希望 (hi-bāng)透過 (thàu-kòe)台獨的過渡 (kòe-tō͘)階段 (kai-tōaⁿ)來 (lâi)達成 (ta̍t-sêng)回歸 (hôe-kui)中國政權 (chèng-koân)管轄 (koán-hat)的最終 (chòe-chiong)目的。