Tè-kok Seng-bēng Hōe-siā Kū-hā

帝國生命會社舊廈

帝國 (Tè-kok)生命 (Seng-bēng)會社 (Hōe-siā)舊廈 (Kū-hā) (帝國生命會社舊廈) 是 (sī)台灣 (Tâi-oân)臺北市 (Tâi-pak-chhī)的 (ê)直轄 (ti̍t-hat)市定 (chhī-tēng)古蹟 (kó͘-chek)，起 (khí)佇 (tī)臺北市中正區 (Tiong-chèng-khu)博愛路 (Phok-ài-lō͘)佮 (kap)寶慶路 (Pó-khèng-lō͘)挖角仔 (oat-kak-á)，倚 (óa)總統府 (Chóng-thóng-hú)，住址 (chū-chí)是臺北市中正區博愛路162號 (hō)。

帝國生命會社舊廈佇1910年 (nî)初建 (chho͘-kiàn)，原底 (goân-té)是日本 (Ji̍t-pún)帝國生命保險 (Pó-hiám) (朝日 (Tiau-ji̍t)生命保險的前身 (chiân-sin)) 台北 (Tâi-pak)支店 (Chi-tiàm)的辦公 (pān-kong)大樓 (tōa-lâu)。拄 (Tú)起好 (hó)的時陣 (sî-chūn)有 (ū)中央 (tiong-iong)尖塔 (chiam-thah)的行色 (hêng-sek); 毋過 (m̄-koh)初建完成 (oân-sêng)了後 (liáu-āu)遭受 (cho-siū)蟻害 (hiā-hāi)， 1936年由 (iû)竹中 (Tek-tiong)工務店 (Kang-bū-tiàm)改建 (kái-kiàn)，共 (kā)尖塔提掉 (the̍h-tiāu)，佇1937年6月 (goe̍h)落成 (lo̍h-sêng)。二次 (Jī-chhù)大戰 (tāi-chiàn)了後，帝國生命會社舊廈轉 (choán)予 (hō͘)中華 (Tiong-hôa)民國 (Bîn-kok)外交部 (Gōa-kau-pō͘)佮臺灣 (Tâi-oân)銀行 (Gîn-hâng)等 (téng)機關 (ki-koan)使用 (sú-iōng)。這 (Che)是1930年代 (nî-tāi)的辦公建築物 (kiàn-tio̍k-bu̍t)的代表 (tāi-piáu)。

1998年5月4號，臺北市政府 (Chèng-hú)民政局 (Bîn-chèng-kio̍k)發佈 (hoat-pò͘)府民三字 (Hú-bîn-sam-jī)第 (Tē)8702427101號公告 (kong-kò)，共帝國生命會社舊廈訂 (tēng)做 (chò) "直轄市定古蹟"。目前 (Bo̍k-chiân)帝國生命會社舊廈的產權 (sán-khoân)屬於 (sio̍k-î)臺灣銀行，這馬 (chit-má)由臺灣銀行文物館 (Bûn-bu̍t-koán)佮臺灣銀行國際部 (Kok-chè-pō͘)合用 (ha̍p-iōng)。