民宿 (Bîn-siok) (-sok) 是 (sī)利用 (lī-iōng)家己 (ka-tī)咧 (leh)帶 (tòa)的 (ê)厝宅 (chhù-the̍h)房間 (pâng-keng)，結合 (kiat-ha̍p)當地 (tong-tē)人文 (jîn-bûn)，自然 (chū-jiân)景觀 (kéng-koan)，生態 (seng-thāi)，環境 (khoân-kéng)資源 (chu-goân)佮 (kap)農業 (lông-gia̍p)，林業 (lîm-gia̍p)，漁業 (hî-gia̍p)，牧業 (bo̍k-gia̍p)生產 (seng-sán)活動 (o̍ah-tōng)，以 (í)家庭 (ka-têng)副業 (hù-gia̍p)方式 (hong-sek)經營 (keng-êng)，提供 (thê-kiong)旅客 (lú-kheh)庄跤 (chng-kha)野外 (iá-gōa)生活 (seng-o̍ah)的帶歇 (tòa-hioh)處所 (chhù-só͘)。根據 (Kin-kù)民宿管理 (koán-lí)辦法 (pān-hoat)，民宿經營規模 (kui-bô͘)袂使 (bē-sái)超過 (chhiau-kòe)5間 (keng)房間，猶 (ah)客房 (kheh-pâng)總 (chóng)面積 (bīn-chek)袂使超過150平方 (pêng-hong)公尺 (kong-chhioh)。根據觀光局 (koan-kong-kio̍k)的統計 (thóng-kè)，到 (kàu)2006年 (nî)5月 (go̍eh)短 (té)，全 (choân)台灣 (Tâi-oân)有 (ū)1625間民宿，其中 (kî-tiong)，花蓮 (Hoa-lian)有322間，南投 (Lâm-tâu)有296間，宜蘭 (Gî-lân)有215間，臺東 (Tâi-tang)有101間，苗栗 (Biâu-le̍k)有99間。民宿是按照 (àn-chiàu)住宅房屋 (chū-the̍h-pâng-ok)稅率 (sòe-lu̍t)來 (lâi)抾 (khioh)房屋稅 (pâng-ok-sòe)，按照一般 (it-poaⁿ)用地 (iōng-tē)稅率課征 (khò-cheng)代價稅 (tē-kè-sòe)，佮抾綜合 (chong-ha̍p)所得稅 (só͘-tek-sòe)。
