印象派 (法語: Impressionnisme)，或者講印象主義，是19世紀對法國的巴里𤆬頭發展的藝術運動，起先的成員是一寡非主流藝術家。Claude Monet的作品印象，日出 (Impression， soleil levant) 是 "印象派" 這个名的原起。印象派的源頭存在佇一寡無仝的藝術思想佮運動當中。代先是視覺藝術內面的自然主義傳統，其中畫家的工課予人認為是愛實在表達現實。印象派嘛較關心藝術家本身的觀點，這關係著羅曼主義的影響。會當講自然主義提供了寫實的傳統; 羅曼主義提供了表達畫家本身觀點的理想。另外Barbizon派嘛佇畫面的氣氛佮光線等方面影響印象派。
