Super Tuesday

Super Tuesday (閩南語 (Bân-lâm-gú): Chhiau-kip Lé-pài-jī) 是 (sī)美國 (Bí-kok)大選年 (tāi-soán-nî)二月 (jī-goe̍h)抑是 (ia̍h-sī)三月 (saⁿ-goe̍h)，幾若的 (kúi-nā-ê)州 (chiu)舉辦 (kí-pān)總統 (chóng-thóng)候選人 (hāu-soán-jîn)組選 (cho͘-soán)的 (ê)禮拜二 (lé-pài-jī)。彼日 (Hit-ji̍t)濟濟 (chē-chē)州份 (chiu-hūn)會 (ē)同時 (tông-sî)選出 (soán-chhut)代表 (tāi-piáu)政黨 (chèng-tóng)的候選人。因為 (In-ūi)彼日的結果 (kiat-kó)對 (tùi)選情 (soán-chêng)有 (ū)大摸 (tōa-bong)的影響 (éng-hiáng)，逐个 (ta̍k-ê)候選人攏 (lóng)會特別 (te̍k-pia̍t)注重 (chù-tiōng)彼日的表現 (piáu-hiān)，所以 (só͘-í)英語 (Eng-gí)就 (tiō)號做 (hō-chò)Super Tuesday。

Super Tuesday這个 (chit-ê)專有 (choan-iú)名詞 (bêng-sû)上早 (siāng-chá)出現 (chhut-hiān)佇 (tī)1984年 (nî)。當年 (Tong-nî)有三个 (saⁿ-ê)Super Tuesday，彼年 (hit-nî)代表民主黨 (Bîn-chú-tóng)的Walter Mondale是到 (kàu)第三个 (tē-saⁿ-ê)Super Tuesday才 (chiah)確立 (khak-li̍p)伊 (i)佇黨內 (tóng-lāi)的領先 (léng-sian)位置 (ūi-tì)。紲落 (Sòa-lo̍h)的總統選舉年 (soán-kí-nî)攏會舉行 (kí-hêng)Super Tuesday。 Super Tuesday是初選 (chho͘-soán)過程 (kòe-têng)中 (tiong)的關 (koan)kiàn，1992年Bill Clinton佇前 (chêng)幾 (kúi)州的初選時 (sî)節節敗退 (chiat-chiat-pāi-thòe)，但是 (tān-sī)佇Super Tuesday贏得 (iâⁿ-tit)南部 (lâm-pō͘)大部分 (tōa-pō͘-hūn)州份的選票 (soán-phiò)，出線 (chhut-soàⁿ)成做 (chiâⁿ-chò)民主黨的候選人。1996年，Bob Dole嘛是 (mā-sī)佇Super Tuesday的時七線 (chhit-soàⁿ)成做共和黨 (Kiōng-hô-tóng)的候選人。2000年的Super Tuesday攏總 (lóng-chóng)有16个 (ê)州舉行初選，拍破 (phah-phòa)以往 (í-óng)的記錄 (kì-lo̍k); 彼年的Al Gore佮 (kap)George Bush攏是佇Super Tuesday贏著 (iâⁿ-tio̍h)提名 (thê-miâ)。