野百合 (Iá-pek-ha̍p)學運 (ha̍k-ūn) (野百合學運),也 (iā)號做 (hō-chò)三月 (saⁿ-goe̍h)學運 (三月學運),是 (sī)一 (chi̍t)場 (tiûⁿ)發生 (hoat-seng)佇 (tī)1990年 (nî) (3月 (goe̍h)16至 (chì)22號 (hō)) 的 (ê)台灣 (Tâi-oân)學生 (ha̍k-seng)運動 (ūn-tōng)。佇這 (chit)擺 (pái)的運動中 (tiong),人數 (jîn-sò͘)上濟 (siōng-chē)的時陣 (sî-chūn)有 (ū)將近 (chiong-kīn)6,000位 (ūi)來自 (lâi-chū)全國 (choân-kok)各地 (kok-tē)的大學生 (tāi-ha̍k-seng)參與 (chham-ú)。學運的運動主要 (chú-iàu)是佇中正 (Tiong-chèng)紀念堂 (Kì-liām-tn̂g) (自由 (Chū-iû)廣場 (Kóng-tiûⁿ)) 靜坐 (chēng-chō)表達 (piáu-ta̍t)抗議 (khòng-gī); 因 (in)提出 (thê-chhut)解散 (kái-sàn)國民 (Kok-bîn)大會 (Tāi-hōe),廢除 (hòe-tû)臨時 (Lîm-sî)條款 (Tiâu-khoán),招開 (chiau-khai)國是 (kok-sī)會議 (hōe-gī)佮 (kap)政經 (chèng-keng)改革 (kái-kek)時間表 (sî-kan-pió) (政經改革時間表) 4大 (tōa)訴求 (sò͘-kiû)。這 (Che)毋但 (m̄-nā)是臺灣 (Tâi-oân)戰後 (chiàn-āu)以來 (í-lâi)上大 (siōng-tōa)的一場學生運動,對 (tùi)臺灣的民主 (bîn-chú)政治 (chèng-tī)發展 (hoat-tián)有相當 (siong-tong)程度 (thêng-tō͘)的影響 (éng-hióng)。這厝 (chhù)學生運動落尾 (lo̍h-bóe)由 (iû)時任 (sî-jīm)總統 (chóng-thóng)李 (Lí)登輝 (Teng-hui)實現 (si̍t-hiān)承諾 (sêng-lo̍k)來 (lâi)結束 (kiat-sok); 包含 (pau-hâm)招開國是會議,廢除臨時條款,終結 (chiong-kiat)萬年 (bān-liân)國會 (kok-hōe),予 (hō͘)台灣民主進入 (chìn-ji̍p)新 (sin)的階段 (kai-toāⁿ)。