Khí-hoāⁿ-iām

齒岸炎 (Khí-hōaⁿ-iām) (gingivitis) 或 (he̍k)齒齦炎 (khí-gîn-iām)是 (sī)喙腔 (chhùi-khiuⁿ)衛生 (ōe-seng)做了 (chò-liáu)無好 (bô-hó)致使 (tì-sú)喙齒 (chhùi-khí)四周 (sì-chiu)的 (ê)齒岸 (khí-hōaⁿ)發炎 (hoat-iām)。這个 (Chit-ê)發炎的情形 (chêng-hêng)是 (sī)會 (ē)消失的 (siau-sit--ê)，只要 (chí-iàu)喙腔衛生做 (chò)予 (hō͘)好勢 (hó-sè)。使用 (Sú-iōng)齒抿 (khí-bín)鑢 (lù)喙齒，佮 (kap)使用齒線 (khí-sòaⁿ)清 (chheng)齒縫 (khí-phāng)，是維護 (ûi-hō͘)喙腔衛生上好 (siāng-hó)的法度 (hoat-tō͘)。

原因 (Goân-in)

齒岸炎 (Khí-hōaⁿ-iām)雙載 (siang-chāi)是喙齒世了 (sè-liáu)無 (bô)清氣 (chheng-khì)所 (só͘)引起 (ín-khí)。喙齒若 (nā)洗 (sé)無齊全 (chiâu-choân)，齒菌斑 (khí-khún-pan)粒積 (lia̍p-chek)，結果 (kiat-kó)刺激 (chhì-khek)齒岸。齒菌斑的細菌 (sè-khún)佮伊 (i)產生 (sán-seng)的毒素 (to̍k-sò͘) (toxin) 引起齒岸腫大 (chéng-tōa)，血液循環 (hoeh-sio̍h-sûn-khoân)靜加 (chēng-ka)，色水 (sek-chúi)變 (piàn)紅 (âng)，等等 (téng-téng)發炎的症頭 (chèng-thâu)。齒岸炎嘛有可能 (mā-ū-khó-lêng)予過度 (kòe-tō͘)鑢喙齒 (lù-chhùi-khí)或使用齒線無細膩 (sè-jī)來 (lâi)引起。糖尿病 (Thn̂g-jiō-pēⁿ) (diabetes mellitus) 控制 (khòng-chè)了 (liáu)無好佮查母人 (cha-bó-lâng)有身 (ū-sin) (pregnancy) ho-lu-bong失調 (sit-tiâu)會使得 (sú-tit)齒岸變敏感 (bín-kám)，競加 (kēng-ka)賢 (gâu)發炎。青春期 (Chheng-chhun-kî) (puberty) 的ho-lu-bong改變 (kái-piàn)嘛會 (mā-ē)予人 (hō͘-lâng)較賢有 (khah-gâu-ū)齒岸炎。喙齒排列 (pâi-lia̍t)無正 (bô-chiàⁿ)，添補物 (thiⁿ-pó͘-bu̍t)粗糙 (chho͘-chhò)的邊緣 (pian-iân)，無合軀 (bô-ha̍h-su)或無清氣的假喙齒 (ké-chhùi-khí)攏會 (lóng-ē)靜家齒岸炎的危險 (hûi-hiám)。Phenytoin佮pia̍h孕藥 (ūn-io̍h) (birth control pills)，嘛會引起齒岸腫大。

症狀 (Chèng-chōng)

齒岸炎的症狀包括 (pau-koah)有 (ū):

• 齒岸腫大
• 喙簸 (Chhùi-pòa)
• 齒岸反 (hoán)深紅 (chhim-âng)
• 齒岸金滑 (kim-ku̍t)
• 齒岸摸著 (bong--tio̍h)會疼 (thiàⁿ)，無摸 (bong)袂 (bē)疼。
• 齒岸賢流血 (lâu-hoeh)，連 (liân)輕輕 (kheng-kheng)洗喙 (sé-chhùi)嘛會。

預防 (Ī-hông)

齒岸炎會得 (ē-tit)透過 (thàu-kòe)逐工 (ta̍k-kang)的喙腔衛生工課 (khang-khòe)來預防，包括鑢喙齒佮使用齒線。

治療 (Tī-liâu)

牙醫師 (Gê-i-su)會替 (thè)你 (lí)洗喙齒 (sé-chhùi-khí)清除 (chheng-tû)齒滓 (khí-tái)佮清潔 (chheng-kiat)齒岸，不而過 (put-jî-kò)，個人 (kò-jîn)逐工的喙腔衛生工課 (khang-khòe)做有 (chò-ū)好勢才是 (chiah-sī)重點 (tiōng-tiám)，才 (chiah)會當 (ē-tàng)預防齒岸炎的閣發生 (koh-hoat-seng)。有sa̍t菌 (khún)或扼菌 (e̍k-khún)功效 (kong-hāu)的漉喙水 (lo̍k-chhùi-chúi)干焦 (kan-taⁿ)建議 (kiàn-gī)佇 (tī)特殊 (te̍k-sû)的狀孔 (chōng-khóng)之下 (chi-hā)短暫 (té-chiām)期間 (kî-kan)來使用，無建議平常時仔 (pêng-siông-sî--á)來長期 (tn̂g-kî)使用。