高級 (Ko-kip)心臟 (Sim-chōng)救命術 (Kiù-miā-su̍t) (ACLS，Advanced Cardiac Life Support) 是 (sī)1套 (thò)為 (ūi)心臟當定 (tòng-tiāⁿ) (cardiac arrest) 等等 (téng-téng)有 (ū)性命 (sèⁿ-miā)危險 (gûi-hiám)的 (ê)醫療 (i-liâu)急症 (kip-chèng)做 (chò)緊急 (kín-kip)治療 (tī-liâu)的臨床 (lîm-chhn̂g)步數 (pō͘-sò͘)，包含 (pau-hâm)進行 (chìn-hêng)的時 (sî)愛 (ài)有的齊捌 (chai-bat)佮 (kap)技術 (ki-su̍t)。欲 (Beh)精通 (cheng-thong)ACLS定著 (tiāⁿ-tio̍h)愛有醫學 (i-ha̍k)智識 (tì-sek)佮經過 (keng-koè)嚴格 (giâm-keh)的實在 (si̍t-chāi)訓練 (hùn-liān)兼 (kiam)練習 (liān-si̍p)。干焦 (Kan-taⁿ)醫療提供者 (thê-kiong-chiá) (像 (chhiūⁿ)講 (kóng)醫生 (i-seng)，護士 (hō͘-sū)，呼吸 (ho͘-khip)治療師 (tī-liâu-su)) 會當 (ē-tàng)提供 (thê-kiong)ACLS。ACLS的目標 (bo̍k-phiau)包含發落 (hoa̍t-lo̍h)患者 (hoān-chiá)的呼吸道 (ho͘-khip-tō) (airway)，確定 (khak-tēng)有IV access，讀 (tha̍k)心電圖 (sim-tiān-tô͘)，應用 (èng-iōng)緊急藥學 (io̍h-ha̍k)。
