流體 (Liû-thé)力學 (le̍k-ha̍k) (英文 (Eng-bûn): Fluid mechanics) 是 (sī)物理學 (bu̍t-lí-ha̍k)的 (ê)一个 (chi̍t-ê)分支 (hun-chi)，專門 (choan-bûn)咧 (teh)研究 (gián-kiù)探討 (thàm-thó)流體 (液體 (e̍k-thé)，氣體 (khì-thé)，佮 (kap)電離體 (tiān-lî-thé)) 佮作用 (chok-iōng)佇 (tī)怹 (in)頂面 (téng-bīn)的栗 (la̍t)。流體力學會用 (ē-ēng)閣再 (koh-chài)被 (pī)分做 (hun-chòe)流體靜力學 (chēng-le̍k-ha̍k)佮流體動力學 (tōng-le̍k-ha̍k)。流體力學是連續體 (liân-sio̍k-thé)力學的一个分支。流體力學，特別 (te̍k-pia̍t)是流體動力學，是一个真 (chin)活顯 (oa̍h-hiáⁿ)的研究領域 (léng-he̍k); 伊 (i)校 (káu)今 (taⁿ)猶有 (iáu-ū)濟濟 (chōe-chōe)問題 (būn-tê)等待 (tán-thāi)被解決 (kái-koat)。流體力學佇數學 (sò͘-ha̍k)的處理 (chhú-lí)上 (siōng)，是非常 (hui-siông)的複雜 (ho̍k-cha̍p); 數值 (sò͘-ta̍t)分析 (hun-sek)佮計算機 (kè-sǹg-ki)運算 (ūn-sǹg)是上 (siāng)理想 (lí-sióng)的處理方式 (hong-sek)。現代 (Hiān-tāi)的計算 (kè-sǹg)流體力學 (CFD) 就是 (chiū-sī)利用 (lī-iōng)數值分析來 (lâi)處理流體力學的問題。
