Michelle Bachelet

Bachelet， 2006

Verónica Michelle Bachelet Jeria /βeˈɾonika miˈʃɛl baʃˈle ˈçeɾja/ (1951年 (nî)9月 (goe̍h)29 seⁿ) 是 (sī)Chile社會黨 (Siā-hōe-tóng)的 (ê)政治 (chèng-tī)人物 (jîn-bu̍t)。伊 (I)本底 (pún-té)是外科 (gōa-kho)兼 (kiam)小兒科 (sió-jî-kho)醫生 (i-seng)。伊贏 (iâⁿ)2006年的總統 (chóng-thóng)大選 (tāi-soán)， 3月11就任 (chiū-jīm)，成做 (chiâⁿ-chò)彼國 (hit-kok)頭 (thâu)1个 (ê)查某 (cha-bó͘)總統。伊行 (kiâⁿ)溫和 (un-hô)的中間偏左 (tiong-kan-phian-chó)路線 (lō͘-soàⁿ)， 1方面 (hong-bīn)欲 (beh)接紲 (chiap-sòa)Ricardo Lagos的自由 (chū-iû)市場 (chhī-tiûⁿ)政策 (chèng-chhek)，另外 (lēng-gōa)1方面原仔 (oân-ná)講 (kóng)欲加強 (ka-kiông)社會 (siā-hōe)福利 (hok-lī)通 (thang)減少 (kiám-chió)好額 (hó-gia̍h)佮 (kap)散赤 (sàn-chhiah)之間 (chi-kan)的差異 (chha-īⁿ)。 Bachelet的性別 (sèng-pia̍t)佮伊單身 (tan-sin)母親 (bó-chhin)的身份 (sin-hūn)受著 (siū-tio̍h)國際 (kok-chè)佮Chile媒體 (mûi-thé)特別 (te̍k-pia̍t)注意 (chù-ì)。

Bachelet的老爸 (lāu-pē)是Chile空軍 (Khong-kun)的將軍 (chiong-kun)，因為 (in-ūi)反對 (hoán-tùi)Augusto Pinochet將軍佇 (tī)1973年均變 (kun-piàn)，後來 (āu--lâi)死 (sí)佇監獄 (kaⁿ-ga̍k)。伊佮老母 (lāu-bó)予 (hō͘)新 (sin)政權 (chèng-koân)關 (koaiⁿ)鬼也禮拜 (kúi-ā-lé-pài)。1975年離開 (lī-khui)Chile，佇東德 (Tang-tek)完成 (oân-sêng)醫學 (i-ha̍k)學位 (ha̍k-ūi)。 1979年轉去 (tńg-khì)Chile。伊大學 (tāi-ha̍k)時代 (sî-tāi)就 (tō)參加 (chham-ka)社會主義 (Siā-hōe-chú-gī)青年會 (Chheng-liân-hōe)，佇1980年代 (nî-tāi)下期 (ē-kî)閣再 (koh-chài)行入 (kiâⁿ-ji̍p)政治。 1995年擔任 (tam-jīm)Chile社會黨的中央 (Tiong-iong)委員 (Úi-oân); 1998到 (kàu)2000年是政治委員會 (Úi-oân-hōe) (Political Commission) 的積極 (chek-ke̍k)份子 (hūn-chú)。 1996年投入 (tâu-ji̍p)Las Condes的市長 (chhī-tiúⁿ)選舉 (soán-kí)，對手 (tùi-chhiú)是後來的總統對手Joaquín Lavín。 Lavín贏78% 个票 (phiò)，伊干焦 (kan-taⁿ)提着 (the̍h-tio̍h)2.35%，排 (pâi)第 (tē)4位 (ūi)。 1999年伊為 (ūi)Ricardo Lagos佇總統初選 (chho͘-soán)助選 (chō͘-soán)。 Lagos就任了後 (liáu-āu)，支派 (chi-phài)伊做 (chò)衛生 (oē-seng)部長 (pō͘-tiúⁿ) (2000年) 佮國防 (kok-hông)部長 (2002年)。伊是第1个佇Latin美洲 (Bí-chiu)國家 (kok-ka)岸 (hoāⁿ)彼位 (hit-ūi)的查某人 (cha-bó͘-lâng)。

社會黨𤆬頭 (chhōa-thâu)的Concertación聯盟 (liân-bêng)自 (chū)1990年民主化 (bîn-chú-hòa)了後岸權 (hoāⁿ-koân)到今 (kàu-taⁿ)。 Ricardo Lagos執政 (chip-chèng)的期間 (kî-kan)， Chile的經濟 (keng-chè)成長 (sêng-tióng)超過 (chhiau-kòe)5%。[1]

外部 (Gōa-pō͘)連結 (liân-kiat)

• 總統競選 (kēng-sóan)網站 (bāng-chām) (西班牙語 (Se-pan-gâ-gí))