性別 (Sèng-pia̍t)，照 (chiàu)生物學 (seng-bu̍t-ha̍k)意義 (ì-gī)，是 (sī)根據 (kun-kù)生湠 (seⁿ-thòaⁿ)功能 (kong-lêng)兼 (kiam)相關 (siong-koan)的 (ê)遺傳 (ûi-thoân)等 (téng)生理 (seng-lí)差別 (chha-pia̍t)，對 (tùi)生物 (seng-bu̍t)個體 (kò-thé)所 (só͘)做 (chò)的區分 (khu-hun)。若 (Nā)討論 (thó-lūn)著 (tio̍h)人 (lâng)，性別嘛 (mā)關係 (koan-hē)就 (tio̍h)個體本身 (pún-sin)心理 (sim-lí)意識 (ì-sek)，佮 (kap)社會 (siā-hōe)方面 (hong-bīn)的認識 (jīn-sek)。人的性別基本 (ki-pún)的分野 (hun-iá)是男性 (lâm-sèng)佮女性 (lú-sèng); 佇 (tī)一 (chi̍t)寡 (kóa)文化 (bûn-hòa)內面 (lāi-bīn)，有 (ū)社會上 (siōng)公認 (kong-jīn)無 (bô)算 (sǹg)遮 (chia)兩 (nn̄g)款 (khoán)的群體 (kûn-thé)。
1970年代 (nî-tāi)左右 (chó-iū)開始 (khai-sí)流行 (liû-hêng)的一套 (thò)女性主義 (lú-sèng-chú-gī)理論 (lí-lūn)，區別 (khu-pia̍t)了 (liáu) "生物適 (seng-bu̍t-tek)" 佮 "社會的 (siā-hōe-tek)" 的性別; 佇英語 (Eng-gí)內面是生物學或者 (he̍k-chiá)講 (kóng)生理的sex (生理性別)，佮以 (í)社會構築 (kò͘-tio̍k) (social construct) 存在 (chûn-chāi)的gender (社會 (siā-hoē)性別)，佇現在 (hiān-chāi)的社會科學 (kho-ha̍k)真 (chin)捷 (chia̍p)採用 (chhái-ēng)這 (chit)款認識。
