Mr.Children

Mr.Children
Pang-bô͘:藝人/type return
原文名	ミスターチルドレン
職業	樂團
音樂類型	J-POP
樂器	人聲，gì答，bass，賈
出道地點	日本東京Sibuya
活顯時代	1988年至1997年 1998年到今
唱盤公司	Toy's Factory
網站	mrchildren.jp
成員
Sakurai Kazutoshi Suzuki Hideya Nakagawa Keisuke Tahara Kenichi

日文寫法
日文	Mr.Children
Kana	ミスターチルドレン
Hepburn塞羅馬字	Misutā Chirudoren

Mr.Children (日文 (Ji̍t-bûn): ミスターチルドレン) 是 (sī)日本 (Ji̍t-pún)的 (ê)樂團 (ga̍k-thoân); 簡稱 (kán-chheng)做 (chò)Misuchiru (ミスチル)。 Mr.Children的團員 (thoân-oân)攏總 (lóng-chóng)有 (ū)4个 (ê)人 (lâng); 分別 (hun-pia̍t)是主唱 (chú-chhiùⁿ)Sakurai Kazutoshi (桜井和寿)，gì答手 (tah-chhiú)Tahara Kenichi (田原健一)，bass Nakagawa Keisuke (中川敬輔)，佮 (kap)賈手 (kó͘-chhiú)Suzuki Hideya (鈴木英哉)。 Mr.Children的唱盤 (chhiùⁿ-poâⁿ)公司 (kong-si)是Toy's Factory。

高中 (Ko-tiong)時期 (sî-kî)， Sakurai Kazutoshi和 (hām)Nakagawa Keisuke佇 (tī)輕音樂社 (kheng-im-ga̍k-siā)相捌 (sio-bat)，並且 (pēng-chhiáⁿ)鬥陣 (tàu-tīn)計畫 (kè-ōe)欲 (beh)組織 (cho͘-chit)樂團; 後來 (āu-lâi)Sakurai閣 (koh)遊說 (iû-soat)邀請 (iau-chhiáⁿ)原來 (goân-lâi)是野球社 (iá-kiû-siā)的Tahara Kenichi加入 (ka-ji̍p)。 1988年 (nî)9月 (goe̍h)， 3人攏 (lóng)自 (chū)高中畢業 (pit-gia̍p)，佇Nakagawa的介紹 (kài-siāu)之下 (chi-hā)， Suzuki Hideya嘛 (mā)加入樂團; 因的 (in-ê)傳名 (thoân-miâ)號做 (hō-chò)推 (THE)WALL。 1989年1月初 (chhe)1，怹 (in)才 (chiah)改名 (kái-miâ)號做Mr.Children; 就按呢 (chiū-àn-ne)，怹開始 (khai-sí)佇四界 (sì-kè)走唱 (cháu-chhiùⁿ)表演 (piáu-ián)，一直 (it-ti̍t)到 (kàu)1992年佇朋友 (pêng-iú)的牽引 (khan-ín)之下，怹和製作人 (chè-chok-jîn)Kobayashi Takeshi熟似 (se̍k-sāi)。從此 (Chiông-chhú)， Mr.Children成做 (chiâⁿ-chò)日後 (ji̍t-āu)時行 (sî-kiâⁿ)日本流行 (liû-hêng)樂壇 (ga̍k-toâⁿ)的新 (sin)勢力 (sè-le̍k)，掀起 (hian-khí)彼當陣 (hit-tang-chūn)的 "Misuchiru現象 (hiān-siōng)"。

自Mr.Children出道 (chhut-tō)到今 (taⁿ)，已經 (í-keng)發行 (hoat-hêng)30張 (tiuⁿ)冠軍 (koan-kun)單曲 (tan-khek)佮12張冠軍專輯 (choan-chip)。到2011年8月， Mr.Children的生涯 (seng-gâi)銷路 (siau-lō͘)大約 (tāi-iok)有5498萬 (bān)張，佇日本歷史 (le̍k-sú)上 (siōng)排 (pâi)佇第二 (tē-jī)。

團員

名字 (Miâ-jī)	部分 (Pō͘-hūn)	生日 (Seⁿ-ji̍t)	故鄉 (Kò͘-hiong)	血型 (Hoeh-hêng)
Sakurai Kazutoshi (桜井和寿)	人聲 (lâng-siaⁿ) gì答 (tah) 喙琴 (chhùi-khîm) 鋼琴 (kǹg-khîm)	1970年3月8日 (ji̍t)	東京都 (Tang-kiaⁿ-to͘)	O
Tahara Kenichi (田原健一)	gì答 精琴 (Cheng-khîm) mandolin PIANICA	1969年9月24日	Hukuoka縣 (koān)	O
Nakagawa Keisuke (中川敬輔)	bass	1969年8月26日	Nagasaki縣	A
Suzuki Hideya (鈴木英哉)	爵士鼓 (chiok-sū-kó͘) 和生 (hô-seng) 人聲	1969年11月14日	東京都	A

外部 (Gōa-pō͘)連結 (liân-kiat)

• MR。CHILDREN (官方 (Koaⁿ-hong)網站 (bāng-chām))
• TOY'S FACTORY (唱盤公司)