Navajo是 (sī)美洲 (Bí-chiu)的 (ê)原住 (goân-chū)民族 (bîn-cho̍k)，生活 (seng-oa̍h)佇 (tī)美國 (Bí-kok)西南部 (sai-lâm-pō͘)。佇美國聯邦 (liân-pang)認定 (jīn-tēng)的部族 (pō͘-cho̍k)內面 (lāi-bīn)，怹 (in)是第二 (tē-jī)濟 (chē)人口的 (jîn-kháu--ê)，排 (pâi)對 (ùi)Cherokee後壁 (āu-piah)，照 (chiàu)2015年 (nî)數字 (sò͘-jī)有 (ū)300,460位 (ūi)登記 (teng-kì)的部族成員 (sêng-goân)。
Navajo國 (Kok) (Navajo Nation) 是Navajo人 (lâng)建立 (kiàn-li̍p)的獨立 (to̍k-li̍p)政府 (chèng-hú)，主管 (chú-koán)Four Corners地方 (tē-hng)的Navajo保留地 (pó-liû-tē)事務 (sū-bū)。 Navajo的在地 (chāi-tē)言語 (giân-gí)是Navajo語 (gí)，總是 (chóng--sī)大份 (tōa-hūn)人民 (jîn-bîn)嘛 (mā)講 (kóng)英語 (Eng-gí)。
