Tâi-oân pún-thó͘-hòa ūn-tōng

台灣 (Tâi-oân)本土化 (pún-thó͘-hòa)運動 (ūn-tōng) (台灣本土化運動) 是 (sī)強調 (kiông-tiāu)台灣在地 (chāi-tē)歷史 (le̍k-sú)，地理 (tē-lí)，文化 (bûn-hòa)佮 (kap)主體 (chú-thé)意識 (ì-sek)的 (ê)運動，與 (í)發揚 (hoat-iông)台灣的本土 (pún-thó͘)文化，以及 (í-ki̍p)文化層面 (chân-bīn)的去殖民化 (khì-si̍t-bîn-hòa)為 (ûi)主要 (chú-iàu)宗旨 (chong-chí)。台灣本土化運動並 (pēng)無 (bô)一 (chi̍t)e特定 (te̍k-tēng)个 (ê)發展 (hoat-tián)期間 (kî-kan)，佇 (tī)無仝 (bô-kāng)的時代 (sî-tāi)背景 (pōe-kéng)下 (hā)有 (ū)無仝的意涵 (ì-hâm)，毋過 (m̄-koh)自從 (chū-chiông)1980年代 (nî-tāi)尾期 (bóe-kî)解嚴 (kái-giâm)以來 (í-lâi)的一連串 (it-liân-chhoàn)發展尤其 (iû-kî)明顯 (bêng-hián)，直到 (ti̍t-kàu)今仔日 (kin-á-ji̍t)猶閣 (iáu-koh)咧 (teh)進行中 (chìn-hêng-tiong)。

這 (Chit)項 (hāng)運動的影響 (éng-hióng)層面擴及 (khok-ki̍p)台灣的文化發展，政治 (chèng-tī)，經濟 (keng-chè)，社會 (siā-hōe)，教育 (kàu-io̍k)等 (téng)多方面 (to-hong-bīn)的變遷 (piàn-chhian)，官方 (koaⁿ-hong)抑是 (ia̍h-sī)民間 (bîn-kan)自動 (chū-tōng)發起 (hoat-khí)的各種 (kok-chióng)活 (oa̍h)tāng攏 (lóng)促成 (chhiok-sêng)這種 (chit-chióng)變化 (piàn-hòa)快速 (khoài-sok)來 (lâi)推廣 (thui-kóng)。

另外 (Lēng-gōa)一方面 (hong-bīn)，反對者 (hoán-tùi-chiá)講 (kóng)這个 (chit-ê)運動事實上 (sū-si̍t-siōng)是一種 (chióng) "去中國化 (khì-Tiong-kok-hòa)"，認為 (jīn-ûi)伊的 (i-ê)目的 (bo̍k-tek)是想欲 (siūⁿ-beh)促使 (chhiok-sú)以 (í)近代 (kīn-tāi)中國 (Tiong-kok)移民 (î-bîn)為社會主體的台灣，對 (ùi)基本 (ki-pún)的文化社會根源 (kin-goân)脫離 (thoat-lī)中國的影響，閣 (koh)定定 (tiāⁿ-tiāⁿ)參 (chham)台灣獨立 (to̍k-li̍p)運動lā做伙 (chò-hóe)講; 但是 (tān-sī)事實上，台灣本土化運動是共 (kā)漢 (Hàn)文化 (或者 (he̍k-chiá)中華 (Tiong-hôa)文化) 看 (khòaⁿ)做 (chò)是台灣文化的一部分 (pō͘-hūn)，毋是 (m̄-sī)規个 (kui-ê)提掉 (the̍h-tiāu)。