臺塑總部大樓
台塑關係企業 (台塑關係企業) 是台灣規模上大的民營企業集團，一般簡稱台塑 (台塑)。台塑起源自1954年創立的福懋塑膠工業股份有限公司 (福懋塑膠工業股份有限公司)， 1957年改名台灣塑膠工業股份有限公司 (台灣塑膠工業股份有限公司)，然後漸漸擴大經營。目前，台塑旗下事業涵蓋塑膠，煉油，石化，纖維，紡織，電子，能源，運輸，工程，生物技術，教育佮醫療等領域。台塑經過60冬的發展，目前有台塑，南亞，臺化，臺塑化等等超過100間關係企業，分別佇台灣，美國，中國，越南，菲律賓佮印尼攏有設立工廠。奶外，台塑嘛有大規模的教育佮醫療法人。
台塑企業的創辦人是王永慶佮王永在兄弟。根據統計，自1980年代以來，台塑企業佇資產總額，營收淨值，員工數量等方面攏是臺灣第一个民營企業，嘛替伊的主要創辦人王永慶贏得 "台灣經營之神" 的名號。
王永慶佇2008年10月15號過身抓後，規个集團的運作正式交予對2002年開始組成的 "7人決策小組"，包含: 王家成員王文淵，王瑞華，王文潮佮王瑞瑜; 專業經理李志村，吳欽仁佮楊兆麟。 2011年為著企業經營的需要，閣增加陳寶郎佮林信義，成做 "9人小組"，一般號做 "行政中心"。 2017年6月1號，台塑成立 "管理中心"，王家成員王文淵，王瑞華，王文潮佮王瑞瑜退出 "行政中心"，進jip "管理中心"。原底的 "行政中心" 由5大公司的最高專業經理人林健男，吳嘉昭，陳寶郎，陳源成佮洪福源共同組成。
