Tiong-hôa Bîn-kok Chóng-thóng tī Tâi-oân ê kong-bîn ti̍t-chiap soán-kí kap pā-bián

李 (Lí)登輝 (Teng-hui)佇 (tī)1988年 (nî)1月 (goe̍h)繼任 (kè-jīm)中華 (Tiong-hôa)民國 (Bîn-kok)總統 (Chóng-thóng)了後 (liáu-āu)，蔣家 (Chiúⁿ-ka)執政 (chip-chèng)時代 (sî-tāi)結束 (kiat-sok)，臺灣人 (Tâi-oân-lâng)第一 (tē-it)擺 (pái)出任 (chhut-jīm)國家 (kok-ka)元首 (goân-siú)，台灣 (Tâi-oân)社會 (siā-hōe)要求 (iau-kiû)政治 (chèng-tī)民主化 (bîn-chú-hòa)的 (ê)呼聲 (ho͘-siaⁿ)日益 (ji̍t-ek)高漲 (ko-tiòng)。1990年，第一屆 (kài)國民 (Kok-bîn)大會 (Tāi-hōe)代表 (tāi-piáu)選舉 (soán-kí)總統時 (sî)引發 (ín-hoat)三月 (Saⁿ-goe̍h)學運 (ha̍k-ūn)，中華民國政府 (Chèng-hú)佇1991年佮 (kap)1992年完成 (oân-sêng)國會 (kok-hōe)議員 (gī-oân)全面 (choân-bīn)改選 (kái-soán)了後，民主 (Bîn-chú)進步 (Chìn-pō͘)黨 (Tóng)佮李登輝總統就 (tiō)開始 (khai-sí)推動 (thui-tōng)總統佮副 (Hù)總統佇台灣的公民 (kong-bîn)直接 (ti̍t-chiap)選舉佮罷免 (pā-bián)，但是 (tān-sī)因為 (in-ūi)中國 (Tiong-kok)國民黨內 (lāi)保守派 (pó-siú-phài)組擾 (chó͘-jiáu)無法度 (bô-hoat-tō͘)實現 (si̍t-hiān)。為著 (Ūi-tio̍h)欲 (beh)避免 (pī-bián)佇1994年12月即將 (chek-chiong)首度 (siú-tō͘)民選 (bîn-soán)的台灣省 (Tâi-oân-séng)省長 (Séng-tiúⁿ)引發Yeltsin效應 (hāu-èng)，所以 (só͘-í)佇1994年7月修改 (siu-kái)並 (pēng)凍結 (tòng-kiat)部份 (pō͘-hūn)憲法 (hiàn-hoat)，佇選舉總統佮副總統 (hù-chóng-thóng)時適用 (sek-iōng)中華民國憲法增修 (Cheng-siu)條文 (Tiâu-bûn)，改變 (kái-piàn)進前 (chìn-chêng)由 (iû)國民大會代表間接 (kàn-chiap)選舉的方式 (hong-sek)。 1996年3月23號 (hō)，佇中華民國自由 (chū-iû)地區 (tē-khu) (台灣，澎湖 (Phêⁿ-ô͘)，金門 (Kim-mn̂g)佮馬祖 (Má-chó͘)) 舉行 (kí-hêng)總統的第一擺直接選舉。

相關 (Siong-koan)

• 1996年臺灣 (Tâi-oân)總統選舉 (sóan-kí)
• 2000年臺灣總統選舉
• 2004年臺灣總統選舉
• 2008年臺灣總統選舉
• 2012年臺灣總統選舉
• 2016年臺灣總統選舉
• 2020年臺灣總統選舉