豬哥亮 (豬哥亮; 1946年 12月5日 – 2017年 5月15日)，自底的本名號做謝新達 (謝新達)，落尾復出時改名做謝友偵 (謝友偵)，佇高雄市左營區出世。伊是有名的台灣節目主持人兼演員，也是早期的sió͘場天王。
豬哥亮卡捷用台語講話; 佇台灣走紅了後，豬哥亮佇講福建話的社區內嘛誠有知名度。伊早期的豬哥亮歌廳sió͘佮其他sió͘場的錄影帶佮光碟，佇彼當陣智慧財產權觀念猶未普及的年代，佇泉州，漳州，廈門等閩南地區嘛有濟濟盜版品推出，閣誠受歡迎，當代的有線電視嘛捌違法放送過伊的歌廳sió͘節目。閩南地區有妹少觀眾細漢攏是租豬哥亮的錄影帶大漢的，到今猶原會當佇光碟店組著豬哥亮的sió͘場影phìn。
1993年，豬哥亮若像因為少大家樂佮六合彩少了傷過頭，欠數欠甲愛走路閃bih債主追討。 1997年，伊捌復出過，但是到1999年閣離開演藝圈10外東。 2009年，豬哥亮被記者發現就行蹤， 4月24號伊閣再復出，退燦坤3C歙電視廣告，伊家己講走路幾但冬是 "出國深造" (出國深造)。共年8月初1，豬哥亮復出演藝圈了後，所主持的第一个綜藝節目是民視的豬哥話社，收視率捌突破10%。 2010年10月22號，豬哥亮參侯怡君因為共同主持豬哥話社來得著第45屆金鐘獎的綜藝節目主持人獎 (綜藝節目主持人獎)。
相關資料[修改]
