Tu̍t-piàn

突變 (Tu̍t-piàn) (突變; 英 (Eng): mutation)，或者 (he̍k-chiá)反種 (hoán-chéng)，佇 (tī)生物學 (seng-bu̍t-ha̍k)上 (siōng)的 (ê)含義 (hâm-gī)是 (sī)細胞 (sè-pau)內 (lāi)的遺傳 (ûi-thoân)基因 (ki-in)發生 (hoat-seng)的改變 (kái-piàn)。發生生物 (seng-bu̍t)突變的原因 (goân-in)有可能 (ū-khó-lêng)是細胞分裂 (hun-lia̍t)時 (sî)，遺傳基因的複製 (ho̍k-chè)發生錯誤 (chhò-gō͘)，抑是 (ia̍h-sī)受著 (siū-tio̍h)化學 (hoà-ha̍k)物質 (bu̍t-chit)，基因毒性 (to̍k-sèng)，輻射 (hok-siā)抑 (ia̍h)病毒 (pēⁿ-to̍k)等等 (téng-téng)外在 (goā-chāi)的影響 (éng-hióng).

突變通常 (thong-siông)會 (ē)致使 (tì-sú)細胞運作 (ūn-chok)無正常 (bô-chèng-siông)抑死亡 (sí-bông)，甚至 (sīm-chì)佇較 (khah)高等 (ko-téng)的生物體 (seng-bu̍t-thé)體內 (thé-lāi)引發 (ín-hoat)癌症 (gâm-chèng)。不過 (Put-kò)，突變嘛 (mā)被 (pī)看做 (khoàⁿ-chò)是進化 (chìn-hoà)的推捒力 (thui-sak-la̍t)，無理想 (bô-lí-sióng)的突變會經由 (keng-iû)自然 (chū-jiân)選擇 (soán-te̍k)的過程 (kòe-têng)被篩掉 (thai-tiāu)，有利 (iú-lī)的突變會繼續 (kè-sio̍k)流傳 (liû-thoân)落去 (lo̍h-khì)。