Pek-chè

百濟 (Pek-chè)(百濟 / 백제 ^Baekje)，又閣 (iū-koh)號做 (hō-chò)南 (Lâm)扶餘 (Hû-û)(南扶餘)，是 (sī)古早 (kó͘-chá)徛 (khiā)佇 (tī)朝鮮 (Tiâu-sián)半島 (Poàn-tó)的 (ê)君主 (kun-chú)國家 (kok-ka)，屬於 (sio̍k-î)朝鮮三國 (sam-kok)之一 (chi-it)。

歷史 (Le̍k-sú)

三國早期的前世。

建國 (Kiàn-kok)

根據 (Kin-kù)高麗 (Ko-lê)史冊 (sú-chheh)三國史記 (Sú-kì)的記錄 (kì-lo̍k)，西元 (se-goân)前 (chiân)18年 (nî)，高 (Ko)朱蒙 (Chu-bông)的兩 (nn̄g)位 (uī)後生 (hāu-seⁿ)，沸流 (Hùi-liû)佮 (kap)瘟祖 (Un-chó͘)，帶領 (tòa-niá)一 (chi̍t)陣 (tīn)高句麗人 (Ko-kù-lê-lâng)到 (kàu)半島南方 (lâm-hong)入侵 (ji̍p-chhim)馬韓 (Má-hân)，建立 (kiàn-li̍p)新 (sin)國家百濟 (伯濟)。瘟祖佇對禮城 (Uì-lé-siâⁿ)建國，國號 (kok-hō)十濟 (Si̍p-chè) (十濟); 沸流佇彌鄒忽 (Bî-chau-hut) (彌鄒忽) 建國，毋過 (m̄-koh)遐 (hia)傷 (siuⁿ)倚 (oá)海 (hái)，水 (chúi)傷過 (siuⁿ-kòe)鹹 (kiâm)，彌鄒忽的百姓 (peh-sèⁿ)漸漸 (chiām-chiām)攏 (lóng)搬徙 (poaⁿ-sóa)去 (khì)慰禮城 (Uì-lé-siâⁿ)。沸流要求 (iau-kiû)恩祖 (Un-chó͘)愛 (ài)共 (kā)王位 (ông-ūi)讓 (niū)予 (hō͘)家己 (ka-kī)，去候 (khì-hō͘)溫祖 (Un-chó͘)拒絕 (kī-choa̍t)。兩兄弟 (hiaⁿ-tī)相戰 (sio-chiàn)，沸流戰敗 (chiàn-pāi)自殺 (chū-sat); 溫祖才 (chiah)共國號改 (kái)做 (chò)百濟 (百濟)。

擴張 (Khok-tiong)

百濟果爾王 (Kó-nī-ông)時代 (sî-tāi)，百濟的國家制度 (chè-tō͘)已經 (í-keng)完備 (oân-pī)。根據 (Kin-kì)日本 (Ji̍t-pún)書紀 (Su-kì)的記錄，249年，百濟的勢力 (sè-le̍k)擴張到洛東江 (Lo̍k-tong-kang)佮新羅 (Sin-lô)和 (hām)伽耶 (Ka-iâ)相倚 (sio-oá)。300年，中國 (Tiong-kok)晉朝 (Chìn-tiâu)發生 (hoat-seng)八王 (Pat-ông)之 (chi)亂 (loān); 百濟開始 (khai-sí)佮高句麗 (Ko-kù-lê)相爭 (sio-cheⁿ)樂浪郡 (Lo̍k-lōng-kūn)。日本書紀記錄，367年，百濟第一 (tē-it)擺 (pái)佮日本有 (ū)外交 (gōa-kau)往來 (óng-lâi)。

近肖果王 (Kīn-siàu-kó-ông)時代，百濟向 (hiòng)北 (pak)入侵高句麗，同時 (tông-sî)嘛 (mā)漸漸消滅 (siau-bia̍t)賰的 (chhun-ê)馬韓部落 (pō͘-lo̍k); 這陣 (chit-chūn)是百濟上蓋 (siōng-kài)興旺 (heng-ōng)的歷史時期 (sî-kî)。這 (Chit)个 (ê)時期除了 (tû-liáu)戰爭 (chiàn-cheng)，百濟嘛主動 (chú-tōng)吸收 (khip-siu)濟濟 (chē-chē)漢文化 (Hàn-bûn-hòa)佮中國技術 (ki-su̍t)。遮的 (Chia-ê)物件 (mi̍h-kiāⁿ)嘛流傳 (liû-thoân)去日本，其中 (kî-tiong)包含 (pau-hâm)漢字 (Hàn-jī)，佛教 (Hu̍t-kàu)佮陶器 (Tô-khì)。

熊津 (Hîm-chin)時期

5世紀 (sè-kí)，高句麗向南入侵百濟; 475年，高句麗攻擊 (kong-kek)對禮城。 475年至 (chì)538年的期間 (kî-kan)，百濟遷都 (chhian-to͘)熊津。熊津佇山區 (soaⁿ-khu)，是防禦 (hông-gū)高句麗軍隊 (kun-tūi)進攻 (chìn-kong)真 (chin)好 (hó)的所載 (só͘-chāi); 毋過按呢 (án-ne)，百濟佮外口 (gōa-kháu)就 (tiō)較 (khah)無 (bô)交流 (kau-liû)。另外 (Lēng-gōa)，因為 (in-ūi)熊津卡 (khah)倚新羅，因此 (in-chhú)兩國 (kok)結盟 (kiat-bêng)，共同 (kiōng-tông)對抗 (tùi-khòng)北方 (pak-hong)的高句麗。