Khòa-kok kong-si

跨國 (Khòa-kok)公司 (kong-si) (跨國公司) 抑 (ia̍h)跨國企業 (khì-gia̍p) (跨國企業) 是 (sī)佇 (tī)世界 (sè-kài)濟濟 (chē-chē)國家 (kok-ka)有 (ū)咧 (teh)營運 (êng-ūn)，而且 (jî-chhiáⁿ)規模 (kui-bô͘)誠 (chiâⁿ)大 (tōa)的 (ê)上市 (chiūⁿ-chhī)公司。遮的 (Chia-ê)公司佇無仝 (bô-kāng)的國家抑地區 (tē-khu)有設 (siat)辦事處 (pān-sū-chhù)，工場 (kang-tiûⁿ)抑分公司 (hun-kong-si)，通常 (thong-siông)閣 (koh)有一 (chi̍t)个 (ê)總部 (chóng-pō͘)提來 (the̍h-lâi)協調 (hia̍p-tiau)全球 (choân-kiû)的管理 (koán-lí)工作 (kang-chok)。跨國公司通常利用 (lī-iōng)承包商 (sêng-pau-siong)來 (lâi)製造 (chè-chō)特殊 (te̍k-sû)个商品 (siong-phín)，外包 (gōa-pau)的經營 (keng-êng)手路 (chhiú-lō͘)嘛 (mā)定定 (tiāⁿ-tiāⁿ)被 (pī)使用 (sú-iōng)。

大型 (Tōa-hêng)跨國公司的預算 (ī-sǹg)甚至 (sīm-chì)超過 (chhiau-kòe)濟濟國家的政府 (chèng-hú)預算。怹 (In)對 (tùi)全球政治 (chèng-tī)有真 (chin)大的外交 (gōa-kau)影響力 (éng-hióng-la̍t)，這 (che)毋但 (m̄-nā)是因為 (in-ūi)怹直接 (ti̍t-chiap)影響 (éng-hióng)著 (tio̍h)濟濟政治人物 (jîn-bu̍t)選區 (soán-khu)的經濟 (keng-chè)，嘛是因為怹佇公關 (kong-koan)佮 (kap)政治遊說 (iû-sòe)方面 (hong-bīn)提供 (thê-kiong)了 (liáu)資金 (chu-kim)來源 (lâi-goân)。一个國家內 (lāi)的地區之間 (chi-kan)以及 (í-ki̍p)國家和 (hām)國家之間攏 (lóng)會 (ē)互相 (hō͘-siong)競爭 (kēng-cheng)來爭取 (cheng-chhú)跨國公司來怹的 (in-ê)地方 (tē-hng)設據點 (kì-tiám)。國家抑地方政府通常會提供優惠 (iu-hūi)條件 (tiâu-kiāⁿ)來吸引 (khip-ín)跨國公司，親像 (chhin-chhiūⁿ)財稅 (châi-sòe)優惠，承諾 (sêng-lo̍k)提供政府協助 (hia̍p-chō͘)，或者 (he̍k-chiá)是較 (khah)低 (kē)的環境 (khoân-kéng)標準 (piau-chún)。