Sîn-oē

神話 (Sîn-oē)是 (sī)指 (chí)某一類 (bó͘-chi̍t-lūi)的 (ê)故事 (kò͘-sū)，遮的 (chiah-ê)故事屬 (sio̍k)佇 (tī)無仝 (bô-kâng)的文化 (bûn-hoà)，佇遐的 (hiah-ê)文化來短 (lāi-té)，基本上 (ki-pún-siōng)是相信 (siong-sìn)遮的故事的 (kò͘-sū--ê)，閣 (koh)遮的故事內底 (lāi-té)，是用 (ēng)超自然 (chhiau-chū-jiân)的事件 (sū-kiāⁿ)或者是 (he̍k-chiá-sī)人物 (jîn-bu̍t)，來 (lâi)解說 (kái-soeh)宇宙 (ú-tiū)，這 (chit)世界 (sè-kài)佮 (kap)人類 (jîn-lūi)的本質 (pún-chit)，抑是 (ia̍h-sī)生成 (seⁿ-sêng)就 (tō)有 (ū)的系項 (hē-hāng)。比論講 (Pí-lūn-kóng):

• 這个 (Chit-ê)世界是按怎 (án-choáⁿ)有的 (ū--ê)?
• 人 (Lâng)是按怎有的?
• 是按怎人會 (ē)死 (sí)?

神話ni̍h無 (bô)定著 (tiāⁿ-tio̍h)有神 (sîn)，窮實 (khêng-si̍t)佇西國 (Se-kok)的語言 (gí-giân) (親像 (chhin-chhiūⁿ)英語 (Eng-gí)的myth)，字詞 (jī-sû)本身 (pún-sin)的意思 (ì-sù)和 (hām)神並 (pēng)無底代 (tī-tāi)。若 (Nā)準 (chún)神話內底有神出現 (sîn--chhut-hiān)，嘛 (mā)無一定 (bô-it-tēng)是1个 (ê)， he̍̍k者是 (chiá-sī)濟濟 (chē-chē)的。

神話與捌 (ū-bat)佇逐 (ta̍k)民族 (bîn-cho̍k)的社會 (siā-hoē)內短 (lāi-té)，做 (chò)真 (chin)重要 (tiōng-iàu)的宗教 (chong-kàu)佮信仰 (sìn-gióng)的路用 (lō͘-iōng)。毋過 (M̄-koh)這款 (chit-khoán)路用佇現代 (hiān-tāi)社會已經 (í-keng)沓沓仔 (tau̍h-tau̍h-á)衰敗 (soe-pāi)。

總是 (Chóng--sī)，神話佇逐个 (ta̍k-ê)文化群體 (kûn-thé)ni̍h，猶原 (iû-goân)成做 (chiâⁿ-chò)超揣 (chhiau-chhoē)怹 (in)思想 (su-sióng)真重要的資料 (chu-liāu)，佇文化人類學 (jîn-lūi-ha̍k)佮民俗學 (Bîn-sio̍k-ha̍k)等等 (téng-téng)的學科 (ha̍k-kho)內短，閣會進一部 (chìn-chi̍t-pō͘)去 (khì)做文化之間 (chi-kan)的神話比較 (pí-kàu) (比較神話學 (sîn-oē-ha̍k))，比論 (pí-lūn)那亞 (Ná-a)的大船 (toā-chûn)佮做大水 (chò-toā-chúi)，佇真濟 (chē)文化群體ni̍h攏 (lóng)有相 (sio)siâng的故事，學者 (ha̍k-chiá)就會去研究 (gián-kiù)看 (khoàⁿ)無仝的族群 (cho̍k-kûn)中間 (tiong-kan)是m̄是有沉物 (sím-mi̍h)款 (khoán)的接接 (chih-chiap)。

研究神話的學科主要 (chú-iàu)是神話學，閣宗教學 (chong-kàu-ha̍k)，歷史學 (le̍k-sú-ha̍k)，民族學 (bîn-cho̍k-ha̍k)，文化人類學和文學 (bûn-ha̍k)，嘛攏共 (kā)伊 (i)當做 (tòng-chò)研究的對象 (tùi-siōng)之一 (chi-it)。