台灣議會設置運動 (台灣議會設置運動) 是發生佇20世紀前期的台灣政治運動。這項運動由新民會發起，是鄉帝國議會爭取佇臺灣設置自治議會為主要訴求的運動。這場運動是臺灣民間對武力反抗日本統治轉往近代式政治運動的轉變點; 另外也是日本時代歷時尚久閣規模上大的政治運動。這擺運動的發生會用追溯到1918年的六三法撤廢運動。林呈祿認為撤廢六三法無異接受日本統治當局的內地延長主義政策，損害台灣的特殊性佮獨立性。受著伊的主張的影響，運動的路線由原本的撤廢六三法轉往設置台灣自治議會。主張基於日本立憲政治的精神，應該愛設置台灣議會，共總督府的立法權交還予台灣人民。
對1921年1月30號第一擺響帝國議會提出台灣議會設置請願書 (台灣議會設置請願書)，至1934年9月2號決議停止為止，運動歷時攏總14冬，提出過15擺請願。運動初期的參與者主要是佇東京的台灣留學生。落bòe到第三擺請願籌備的時陣，才共同成立臺灣議會期成同盟會，但是予臺灣總督田健治郎以妨礙安靈社會秩序為由禁止，嘛釀成治警事件的政治迫害事件。不過，這次運動落尾得著日本於論佮台灣民眾的同情，參與人數邁向高峰。不過，佇1931年台灣民眾黨被迫解散了後，因為失去支持團體閣受著Fasci主義的壓制，運動佇1934年正式宣布中止。
台灣議會設置運動除了對臺灣民眾建立法治的觀念佮確立對憲政精神的追求，臺灣總督府也順應運動成立總督府評議會，並且佇1935年州市街庄半數議員改由民選，成做台灣地方自治的緣起。
