Chū-iû ì-hiòng

自由 (Chū-iû)意向 (ì-hiòng)的 (ê)問題 (būn-tê)是 (sī)咧 (teh)討論 (thó-lūn)人類 (jîn-lūi)敢 (kám)有 (ū)法度 (hoat-tō͘)控制 (khòng-chè)怹 (in)家己 (ka-tī)的行放 (kiâⁿ-pàng)佮 (kap)選擇 (soán-te̍k)。欲 (Beh)處理 (chhú-lí)質的 (chit-ê)問題，咱 (lán)著愛 (tio̍h-ài)了解 (liáu-kái)自由佮因果 (in-kó)的關係 (koan-hē)，閣 (koh)決定 (koat-tēng)自然律 (chū-jiân-lu̍t)敢是透過 (thàu-koè)因端 (in-toaⁿ)佮結果 (kiat-kó)這款 (chit-khoán)關係來 (lâi)決定世間 (sè-kan)攏總 (lóng-chóng)的代誌 (tāi-chì)。

因為 (In-ūi)對 (tùi)頂懸 (téng-koân)遮的 (chiah-ê)系項 (hē-hāng)的看法 (khoàⁿ-hoat)各樣 (koh-iūⁿ)，致使 (tì-sú)隨人 (sûi-lâng)對逐項 (ta̍k-hāng)代誌是m̄是代先 (tāi-seng)已經 (í-keng)決定好勢 (hó-sè)，有無仝 (bô-kâng)的看法。佇 (Tī)遮 (chia)，就 (tō)產生 (sán-seng)決定論 (koat-tēng-lūn)佮非決定論 (hui-koat-tēng-lūn)2派 (phài)。

另外 (Lēng-goā)講著 (kóng-tio̍h)自由敢會當 (ē-tàng)佮決定論共時陣 (kāng-sî-chūn)存在 (chûn-chāi)，就閣產生兩立論 (lióng-li̍p-lūn)佮非兩立論 (hui-lióng-li̍p-lūn)。因為按呢 (án-ne)，踏硬 (ta̍h-ngē)的決定論者 (koat-tēng-lūn-chiá)主張 (chú-tiuⁿ)宇宙 (ú-tiū)萬物 (bān-mi̍h)攏 (lóng)已經決定好勢，照 (chiàu)這號 (chit-hō)看法，自由意向就無可能 (bô-khó-lêng)存在。

自由意向的原則 (goân-chek)牽涉著 (khan-sia̍p-tio̍h)宗教 (chong-kaù)，倫理學 (lûn-lí-ha̍k)，心理學 (sim-lí-ha̍k)佮科學 (kho-ha̍k)的意義 (ì-gī)。比論講 (Pí-lūn-kóng)，佇宗教ni̍h，與 (ū)自由意向就暗指 (àm-chí)彼个 (hit-ê)全能 (choân-lêng)的神 (sîn)無 (bô)用 (ēng)伊 (i)的能力 (lêng-le̍k)共 (kā)人 (lâng)的意向佮選擇縛牢牢 (pa̍k-tiâu-tiâu)。佇倫理學來講 (kóng)，自由意向代表 (tāi-piáu)隨人攏就 (tio̍h)為 (ūi)家己的行放來負 (hū)責任 (chek-jīm)。佇心理學的領域 (léng-he̍k)，若 (nā)承認 (sêng-jīn)與自由意向就表示 (piáu-sī)咱的心 (sim)上無 (siōng-bô)有控制咱一部分 (chi̍t-pō͘-hūn)身體 (sin-thé)的活動 (oa̍h-tōng)。佇科學來講，自由意向暗指咱身體的活動，包括 (pau-koat)腦 (naú)在內 (chāi-lāi)，毋是 (m̄-sī)齊 (chiâu)攏予 (hō͘)肉體 (jio̍k-thé)的因果關係決定。自 (Chū)有哲學 (tiat-ha̍k)思想 (su-sióng)開始 (khai-sí)，自由意向就一直 (it-ti̍t)是1个 (ê)屆 (kài)重要 (tiōng-iàu)的主題 (chú-tê)。