Canada 的 Rideau溪。
溪/溪 (溪) 也是川 (川)，是生成佇地上，沿固定的路線咧流的汫水。若較大條來講，就定號做工 (江水) 抑河。溪咧行的水路的下底，號做江底第，若水路2平較懸起來的所在，號做溪岸。溪四常是對山崙，山頭，懸山等等較懸的所在發祖的。溪上尾也若毋是流入去1个湖，另外1條閣較大的河，無就是流入大海。溪裡的水會行是因為地球本身的重力咧影響，雨水直直向較低的所在去。
溪內底的水無鹽分，是汫的，因為這个因端，動物佮植物攏真愛倚近溪。人類嘛佮意蹛佇溪邊，毋但有水來食來用，閣通佇溪裡行船來送貨載人。
溪的號名[修改]
佇閩南人抑是福建人蹛的所在， "溪" 佮 "江" 這2字較捷咧用， "江" 是在地的底層語言 (底層語言)，啊 "溪" 是在地的表層語言 (表層語言)。根據研究統計490條分佈佇福建佮廣東的溪，發現有73% 是用 "溪" 號名， 17.5% 用 "河"， 7.05% 用 "江"。若單純計算閩南人分佈的所在，有90% 用 "溪"， 5.6% 用 "江"， 4% 用 "河".[1]
用來表達溪這个概念的字除了 "溪" (溪) 本身以外，閣有 "水" (水)， "江" (江)， "河" (河)， "川" (川) 等等。 "江" 嘛是古早長江的名; "河" 是古早黃河的名。一般講起，細條的水流號做 "溪" 較濟，毋過無一定的標準。
佇中國福建，大條的河一般號做 "江"，親像閩江佮晉江，賽條號做 "溪"，親像建溪。
佇台灣，大份的河攏是號做 "溪"，親像高屏溪，少數號做 "河"，親像基隆河抑淡水河。受入本統治的影響，台灣嘛有一寡河奉叫做 "川"，親像臺中的綠川，抑是高雄的高雄川 (現在的愛河)。
相關的文章[修改]
