Lâng-miâ

人名 (Lâng-miâ) (儂名)，或者 (he̍k-chiá)人名 (jîn-bêng) (人名)，是 (sī)人類 (jîn-lūi)為 (ūi)著 (tio̍h)欲 (beh)區分 (khu-hun)個體 (kò-thé)，予 (hō͘)逐个 (ta̍k-ê)個體的 (ê)特定 (te̍k-tēng)名稱 (miâ-chheng)符號 (hû-hō)。人名是透過 (thàu-kòe)語言 (gí-giân)文字 (bûn-jī)資訊 (chu-sìn)來 (lâi)區別 (khu-pia̍t)人群 (jîn-kûn)個體差異 (chha-īⁿ)的標誌 (piau-chì)。因為 (In-ūi)有 (ū)人名的存在 (chûn-chāi)佮 (kap)使用 (sú-iōng)，人 (lâng)佮人之間 (chi-kan)才 (chiah)會用 (ē-ēng)正常 (chèng-siông)交往 (kau-óng)。人名的出現 (chhut-hiān)佮使用是佇 (tī)語言產生 (sán-seng)了後 (liáu-āu)。逐个種族 (chéng-cho̍k)抑是 (ia̍h-sī)民族 (bîn-cho̍k)攏 (lóng)有人名號名 (hō-miâ)的習慣 (si̍p-koàn)。這 (Chit)款 (khoán)習慣受著 (siū-tio̍h)歷史 (le̍k-sú)，社會 (siā-hōe)，民族等等 (téng-téng)濟濟 (chē-chē)文化 (bûn-hòa)因素 (in-sò͘)的影響 (éng-hióng); 一 (chi̍t)个 (ê)人的名字 (miâ-jī)通常 (thong-siông)攏有一定 (it-tēng)的含義 (hâm-gī)。

人名的組成 (cho͘-sêng)佇順序 (sūn-sī)上 (siōng)的差別 (chha-pia̍t); 東方 (tang-hong)佮西方 (se-hong)無仝 (bô-kāng)。東方的人名是姓氏 (sèⁿ-sī)寫 (siá)佇名字的頭前 (thâu-chêng); 西方是顛倒反 (tian-tò-péng)，共 (kā)姓氏寫佇名字的後壁 (āu-piah)。東方順序的人名主要 (chú-iàu)分佈 (hun-pò͘)佇東亞 (Tang-a)，Magyar，佮非洲 (Hui-chiu)的部分 (pō͘-hūn)所在 (só͘-chāi); 西方順序的人名主要分佈佇西歐 (Se-au)，美洲 (Bí-chiu)，澳洲 (Ò-chiu)，佮新 (Sin)熱蘭遮 (Jia̍t-lân-jia)等等所在。Hô-ló民族的人名順序是屬於 (sio̍k-î)東方的順序。