硫磺島 (Liû-hông-tó)戰役 (Chiàn-ia̍h) (英 (Eng): Battle of Iwo Jima; 日 (Ji̍t): 硫黄島の戦い) 是 (sī)美國 (Bí-kok)佮 (kap)日本 (Ji̍t-pún)雙方 (siang-hong)佇 (tī)第二次 (Tē-jī-chhù)世界 (Sè-kài)大戰 (Tāi-chiàn)太平洋 (Thài-pêng-iûⁿ)戰爭 (Chiàn-cheng)內 (lāi)的 (ê)一 (chi̍t)場 (tiûⁿ)戰役，對 (ùi)1945年 (nî)2月 (goe̍h)19號 (hō)相戰 (sio-chiàn)到 (kàu)3月26號為止 (ûi-chí)。硫磺島戰役是太平洋戰爭內上蓋 (siōng-kài)激烈 (kek-lia̍t)的其中 (kî-tiong)一場戰鬥 (chiàn-tò͘); 佇戰鬥的期間 (kî-kan)，日本軍隊 (kun-tūi)硬守 (ngē-siú)硫磺島，但是 (tān-sī)最後 (chòe-āu)猶是 (iáu-sī)去予 (khì-hō͘)美軍 (Bí-kun)攻占 (kong-chiàm)。佇戰鬥中 (tiong)，美軍攏總 (lóng-chóng)犧牲 (hi-seng)6,821人 (lâng); 日本的22,786為 (ūi)兵仔 (peng-á)，除了 (tû-liáu)1,083去後 (khì-hō͘)美軍活掠 (oa̍h-lia̍h)，賰的 (chhun-ê)就 (tiō)攏總陣亡 (tīn-bông)。這 (Chit)次 (chhù)戰鬥了後 (liáu-āu)，美軍共 (kā)硫磺島建設 (kiàn-siat)做 (chò)戰鬥機 (chiàn-tò͘-ki)的機場 (ki-tiûⁿ)，為B-29護航 (hō͘-hâng)，大大 (tōa-tōa)提昇 (thê-seng)美國對 (tùi)日本政治 (chèng-tī)兼 (kiam)工業 (kang-gia̍p)核心 (hu̍t-sim)的東京 (Tang-kiaⁿ)的戰略 (chiàn-lio̍k)轟炸 (hong-chà)的效率 (hāu-lu̍t)。
