八卦 (學名: Birgus latro) 是上大隻的陸地節祝動物。公的會當發育到1公尺長 (對頭到尾)， 17公斤動。八卦基本上是1款寄生仔。伊有法度用伊粗勇的 "鉗仔" 將椰子殼摃破，通食內面的椰油。
八卦佇一寡仔語言號做 "土匪蟹" 抑是 "椰仔賊" (德語: Palmendieb)，因為有時陣會對人厝--lìn捎走金tang-tang的物件。
物種[edit]
Pat-kòa kha-chiah-phiaⁿ-bīn (
1849 nî ê ang-á)
Birgus latro是全世界上蓋大食的陸地蟹。公的通常比母的較大隻。文獻記載的大細無一定: 今據大部分的資料，通長40 cm,[1]，上重到4.1 kg，跤若伸長會當到0.91m長。[2] 有報告宣稱有17 kg重， 1 m長的八卦。有人認為陸地節足類理論上無可能比這閣較大。(水內的折足類因為有水鬥扶，猶有可能較大.)
八卦的身軀親上其他的十足類，分頭前部位 (號做頭胸坎，cephalothorax) 佮腹肚部位。這个身軀鬥10支跤。上頭前彼對跤有粗勇的大支鉗仔，這實驗證明有攑29 kg重的法度。較後壁有3對跤有較細支的鳥頭，除了用來踮地面爬以外，又閣會當幫怹peh起-lih樹仔頂 (6 m懸毋是問題)。上尾溜彼對跤加真幼，一般勼佇身軀內短，唯一个功能是清怹的喘氣器官。八卦平均會當活30至60冬久 (詳細偌久，文獻無1个定論)。
雖罔Birgus latro屬於寄生仔的1類，干焦幼蟹會鬥殼仔保護怹軟軟的腹肚。較成熟的有時會提破椰子殼來鬥。總是成熟的八卦無咧崁殼; 因腹肚部位的確加添chitin佮石粉的成份來家強武裝。過，怹會共尾伸倒越來保護下爿。武裝過的腹肚爿原仔有減少水分流失的路用。唯一个缺點就是腹肚爿需要定期褪殼，通閣再生新的出來。換殼著開30工的時間。當這个時期是八卦上脆弱的時陣，致使怹一般會走去覕。
八卦主要食國獎果指，包括椰子佮無花果。總是只要是有機的攏會食得，親像葉仔，龜卵，動物的死體佮殼仔 (會當補Ca)。活的，傷趖的動物原仔是怹的對象。八卦會互相偷提食物。
八卦會peh樹食果子，爁涼，抑是閃避敵人。怹開椰子的功夫佇動物界會使講真特殊。有久久1段時間有人憢疑八卦有才調撓開椰子。安插佇實驗室內的八卦予怹濟濟椰子嘛是夭夭死。不而過佇1980年代Holger Rumpf成功佇野外觀察著怹開椰子。怹有特別的技術。假使椰子的外皮猶佇咧，怹會先用鳥頭共剝調 (定著對椰子的3个發芽空落手)。八卦用鉗仔直直摃彼3个空，到破才收煞。了後怹越180度，改用別跤較細支的鉗仔將內面的白肉挖出來。卡大隻的八卦有法度共椰子拆做幾若塊，較方便食。
蹛[edit]
成熟的八卦蹛佇陸地，一般揀倚海的地點; 利海6 km遠嘛有可能。怹覕佇沙仔抑是鬆塗內的工; 石頭縫嘛會蹛得。逐隻八卦家己挖1窟家己蹛。日時孤1个覕蹛遐，這除了會當保護家己，嘛有減少水分流失的路用。怹共1支跤架佇窟喙彼搭，按呢共 "厝" 封牢咧，通維持1个濕濕的環境。這幫贊怹喘氣。八卦數量濟的所在看會著有八卦日是走出來的。這檢采是揣食競爭所引起的行為。見若落雨天抑是濕度權，怹原仔肯出來。
保育地位[edit]
IUCN紅名單認為目前無夠資料判斷八卦的生態狀況。一般認為八卦佇疾寡仔島上不止仔普遍，啊佇其他所在就加真稀罕。海岸開發計劃束縛怹依賴生存的天然環境佮地盤。人口濟的所在檢采對八卦較不利。過度掠原仔造成數量減少去。部分地方有法規保護八卦，可比講禁掠細隻的抑是禁止人佇繁殖期間落手。
八卦囝特別受人引入來的肉式動物危害，親象管鳥鼠，豬仔，狗蟻。成熟的八卦除了人以外，無其他的天擇。怹的視力䆀，就靠偵測塗跤振動來節的人的動靜。
生湠[edit]
5月到9月 (特別是7~8月) 氏八卦的交配期。每1擺的時間短短矣，毋過動作真捷，通常踮焦燥的沙仔頂做。公的，母的先相觸一睏仔，了後公的共母的捙反爿，開始進行，錢後大約15分鐘久。母的隨放卵，並且共遐的受精過的卵糊蹛腹肚等，隨身紮牢牢約略軌但古月。到甲10月，11月彼陣，八卦母規陣等水起漲才共卵規攤放入去海水內面。
新幼蟹號做zoea。怹佇海水內浮28工; 這段時間濟濟去予別款生物食去。存活落來的踮海底佮海墘活動28工。怹借空海螺殼仔來保予身軀。和其他的寄生仔相siâng，見若大起來就揣新殼來鬥。28工過了，怹就永久離開海，嘛失去佇水內喘氣的才調。若準揣無拄拄會合的螺殼，有時陣會藉破空的椰子殼來代替。成熟的八卦就攏完全無閣再揹殼。對卵發出來了後4至8冬才算成熟，才有通交配，生湠。對甲殼類來講算是不止仔長的時間。
分佈[edit]
分佈圖; 八卦生活佇水色範圍內的海墘; 紅點是主要初代，黃色是次要的。
八卦佇印度洋佮西太平洋有戴揣。聖誕島 (佇印度洋) 有全世界上大陣，保存了上齊全的八卦陣。其他主要的地點包括Cook群島 (特別是Pukapuka，Suwarrow，Mangaia，Takutea，Mauke，Atiu佮Palmerston較細的島)，Sesel島 (特別是Aldabra，Glorieuse，Astove，Assumption，佮Cosmoledo)。
因為成熟的八卦無泅水的才調，殖民遐的島嶼的八卦定著是猶有法度泅的細隻幼蟹 (larvae)。總是，因為一寡仔島嶼遠近實在差太濟，有研究者認為幼蟹28工的性命期無夠額，啊怹應該有得著其他方式的幫贊，可比講踮佇浮柴頂懸順海水的勢漂浪到位。
八卦的地理分佈有一寡仔明顯的縫。可比講印尼Borneo附近抑是Papua新Guinea。才的佗離八卦徛起的地點並無講蓋遠， jī且閣有適當的存活環境，卻是島上完全無八卦。這是因為當地的八卦陣已經予人食佮無賰，斷指去矣。
參照[edit]
外部連結[edit]
