Chhùi-khí ê hoat-io̍k

Chiàⁿ-pêng ē-kha (ùi tò-chhiú-pêng kàu chiàⁿ-chhiú-pêng) tē-3, tē-2, kap tē-1 tōa-āu-chan ê tiān-kong-phìⁿ, ē-sái khòaⁿ-kìⁿ bô-kâng kai-tōaⁿ ê chhùi-khí hoat-io̍k.

喙齒 (Chhùi-khí)的 (ê)發育 (hoat-io̍k)，對 (ùi)胚胎 (phoe-thai)細胞 (sè-pau)生長 (seng-tióng)開始 (khai-sí)到 (kàu)發齒 (puh-khí)入 (ji̍p)口腔 (kháu-khiuⁿ)，是 (sī)複雜 (ho̍k-cha̍p)的過程 (kòe-têng)。雖罔 (Sui-bóng)濟濟 (chē-chē)物種 (bu̍t-chióng) (species) 有 (ū)喙齒，怹 (in)喙齒的發育佮 (kah)人類 (jîn-lūi)無啥物 (bô-siáⁿ-mi̍h)無像 (bô-siâng)。若欲有 (Nā-beh-ū)康健 (khong-kiān)的口腔環境 (khoân-kéng)，佇 (tī)胎兒 (thai-jî)發育的適當 (sek-tòng)階段 (kai-tōaⁿ)內底 (lāi-té)，齒釉質 (khí-iū-chit)，齒本質 (khí-pún-chit)，齒骨質 (khí-kut-chit)，佮 (kap)齒周 (khí-chiu)組織 (cho͘-chit)著愛 (tio̍h-ài)開始發育。囡仔齒 (Gín-á-khí)佇生囝袋 (seⁿ-kiáⁿ-tē)內底第 (tē)6至 (chì)第8禮拜 (lé-pài)開始形成 (hêng-sêng)，啊 (ah)大人齒 (tōa-lâng-khí)佇生囝袋的第20禮拜開始形成。假使 (Ká-sú)喙齒無 (bô)佇這个 (chit-ê)時陣 (sî-chūn)開始發育，怹就 (tio̍h)袂 (bē)發育。

足濟 (Chiok-chē)研究 (gián-kiù)致重 (tì-tiōng)佇引起 (ín-khí)喙齒發育的關鍵 (koan-kiān)過程。佇第1 branchial arch的組織有喙齒發育必須要 (pit-su-iàu)的因素 (in-sò͘)佇咧 (tī--leh)，這 (che)是予人 (hō͘-lâng)廣泛 (kóng-hoàn)接受 (chiap-siū)的觀點 (koan-tiám)。

概要 (Khài-iàu)

喙齒穎芽 (íⁿ-gê)的組織切片 (chhiat-phìⁿ).
A: 齒釉質器官 (khì-koan) (enamel organ)
B: 喙齒奶頭 (ni-thâu) (dental papilla)
C: 喙齒濾泡 (lī-pau)(dental follicle)

喙齒穎芽是路尾 (lō͘-bóe)形成喙齒的一陣 (chi̍t-tīn)細胞。遮的 (Chia-ê)細胞是對第一 (tē-it)branchial arch的外胚層 (gōa-phoe-chân) (ectoderm) 佮神經脊 (sîn-keng-chiah) (neural crest) 个 (ê)ectomesenchyme衍湠來的 (ián-thòaⁿ--lâi-ê)。喙齒穎芽會 (ē)分化 (hun-hòa)做 (chò)3个部份 (pō͘-hūn): 齒釉質器官 (enamel organ)，喙齒奶頭 (dental papilla)，喙齒濾泡 (dental follicle)。

齒釉質器官是由 (iû)外口 (gōa-kháu)的齒釉質上皮 (siōng-phôe) (outer enamel epithelium)，內底的齒釉質上皮 (inner enamel epithelium)，stellate reticulum，佮stratum intermedium來 (lâi)組成 (cho͘-sêng)。這寡 (Chit-kóa)細胞是ameloblast的起源 (khí-goân)。 Ameloblast製造 (chè-chō)齒釉質佮reduced enamel epithelium。外口的齒釉質上皮佮內底的齒釉質上皮相佮 (sio-kap)的所在 (só͘-chāi)叫做 (kiò-chò)cervical loop.Cervical loop遐 (hia)个細胞繼續 (kè-sio̍k)向 (ǹg)閣較 (koh-khah)深 (chhim)的組織所在生長，成做 (chiâⁿ-chò)Hertwig's epithelial root sheath，伊決定 (koat-tēng)煞落去 (soah--lo̍h-khì)喙齒齒跤 (khí-kha)的看頭 (khòaⁿ-thâu)。

喙齒奶頭預含 (ū-hâm)會發展 (hoat-tián)做odontoblast的細胞， odontoblast是形成齒本質的細胞.喙齒奶頭佮內底的齒釉質上皮接接 (chih-chiap)的所在會得 (ē-tit)決定後來 (āu--lâi)喙齒齒冠 (khí-koan)的形狀 (hêng-chōng).喙齒奶頭中方 (tiong-hng)的mesenchyme細胞是佮 (kah)喙齒齒髓 (khí-chhóe)的成形 (chiâⁿ-hêng)有底代 (tī-tāi)。

喙齒濾泡會變做 (piàn-chò)3个誠 (chiâⁿ)重要 (tiōng-iàu)的物件 (mi̍h-kiāⁿ): cementoblast，osteoblast，佮fibroblast。 Cementoblast產生 (sán-seng)喙齒齒跤表面 (piáu-bīn)的齒骨質。 Osteoblast生出 (seⁿ-chhut)齒跤四爿 (sì-pêng)的齒槽骨 (khí-chô-kut)。 Fibroblast發育出 (chhut)齒周韌帶 (jūn-tòa)，齒周韌帶連接 (liân-chiap)齒槽骨佮齒骨質， choa̋n共 (kā)喙齒固定 (kò͘-tēng)踮 (tiàm)齒槽 (khí-chô)。

人類喙齒發育的時間表 (sî-kan-pió)

下跤 (Ē-kha)這寡表 (pió)寫的 (siá--ê)是人類喙齒發育的時間 (sî-kan)。囡仔齒頭起先 (thâu-khí-seng)鈣化 (kài-hòa)的時間是用 (ēng)生囝袋內底的禮拜數目 (sò͘-bo̍k)表示 (piáu-sī)。

	頂 (Téng)kiuⁿ (maxillary) 喙齒
囡仔齒	正 (Chiàⁿ) 門齒 (mn̂g-khí)	側 (Chhek) 門齒	角齒 (Kak-khí)	第1 後齻 (āu-chan)	第2 後齻
頭起先的鈣化 (kài-hòa)	14 禮拜	16  禮拜	17 禮拜	15.5 禮拜	19 禮拜
齒冠大到在 (tōa-kàu-chaī)	1.5 月 (go̍eh)	2.5 月	9 月	6 月	11 月
齒跤大到在	1.5 冬 (tang)	2 冬	3.25 冬	2.5 冬	3 冬
	下 (Ē)kiuⁿ (mandibular) 喙齒
頭起先的鈣化	14 禮拜	16 禮拜	17 禮拜	15.5 禮拜	18 禮拜
齒冠大到在	2.5 月	3 月	9 月	5.5 月	10 月
齒跤大到在	1.5 冬	1.5 冬	3.25 冬	2.5 冬	3 冬

	頂kiuⁿ喙齒
大人齒	正 門齒	側 門齒	角齒	第1 小後齻 (sió-āu-chan)	第2 小後齻	第1 大後齻 (tōa-āu-chan)	第2 大後齻	第3 大後齻
頭起先的鈣化	3–4 月	10–12 月	4–5 月	1.5–1.75 冬	2–2.25 冬	出世 (chhut-sì)的時 (sî)	2.5–3 冬	7–9 冬
齒冠大到在 (tōa-kàu-chāi)	4–5 冬	4–5 冬	6–7 冬	5–6 冬	6–7 冬	2.5–3 冬	7–8 冬	12–16 冬
齒跤大到在	10 冬	11 冬	13–15 冬	12–13 冬	12–14 冬	9–10 冬	14–16 冬	18–25 冬
	下kiuⁿ喙齒
頭起先的鈣化	3–4 月	3–4 月	4–5 月	1.5–2 劃 (o̍eh)	2.25–2.5 劃	出世的時	2.5–3 冬	8–10 冬
齒冠大到在	4–5 冬	4–5 冬	6–7 冬	5–6 冬	6–7 冬	2.5–3 冬	7–8 冬	12–16 冬
齒跤大到在	9 冬	10 冬	12–14 冬	12–13 冬	13–14 冬	9–10 冬	14–15 冬	18–25 冬

喙齒穎芽的發育

佇譀鏡 (hàm-kiàⁿ)下底 (ē-té)會使 (ē-sái)看見 (khòaⁿ--kìⁿ)的喙齒成形的上起先 (siāng-khí-seng)1步 (pō͘)是vestibular lamina佮dental lamina的區別 (khu-pia̍t)。 Dental lamina連結 (liân-kiat)發育的喙齒穎 (chhùi-khí-íⁿ)佮口腔的上皮層 (siōng-phôe-chân)，這个連結維持 (î-chhî)袂短 (bē-té)的1段 (tōaⁿ)時間。

喙齒的發育通常 (thong-siông)分做 (hun-chò)下跤幾个 (kúi-ê)階段: 穎芽期 (kî)，帽仔 (bō-á)期，鈴喨 (lêng-liang)期，佮上落尾 (siāng-lo̍h-bóe)的成熟 (sêng-se̍k)期。喙齒發育的分期 (hun-kî)是想欲 (siūⁿ-beh)共相連撒 (sio-liân-soah)發生 (hoat-seng)的改變 (kái-piàn)做分類 (hun-lūi); 毋過 (m̄-koh)敨底 (tháu-té)誠僫 (chiâⁿ-oh)決定1齒 (khí)發育中 (tiong)的喙齒是嶄然 (chám-jiân)位佇 (ūi-tī)佗一个 (tó-chi̍t-ê)坎站 (khám-chām)。就算是 (Tio̍h-sǹg-sī)共 (kāng)1齒發育中的喙齒，因為 (in-ūi)無仝 (bô-kâng)片 (phìⁿ)的組織切片的關係 (koan-hē)，使得 (sú-tit)分期的決定變成 (pìⁿ-chiâⁿ)競加 (kēng-ka)困難 (khùn-lân)，會出現 (chhut-hiān)無仝分期的結果 (kiat-kó)。

穎芽期

穎芽期喙齒穎芽的細胞排列 (pâi-lia̍t)猶閣 (iáu-koh)誠混亂 (hūn-loān)。這个階段的開始是上皮細胞增生 (cheng-seng)進入 (chìn-ji̍p)齒槽骨的ectomesenchyme的時陣。喙齒穎芽本身 (pún-sin)是dental lamina末端 (boa̍t-toan)的1陣 (tīn)細胞。

帽仔期

Bō-á kî chhùi-khí ê cho͘-chit chhiat-phìⁿ.

佇帽仔期，喙齒穎芽的細胞才 (chiah)開始排列。一寡 (Chi̍t-kóa)ectomesenchyme細胞停止 (thêng-chí)產生細胞外 (sè-pau-gōa)的基質 (ki-chit) (extracellular substances)，按呢 (án-ne)致使 (tì-sú)怹挨 (e)kheh集集 (chi̍p-chi̍p)做伙 (chò-hóe)，予人叫做喙齒奶頭。佇這个時陣，喙齒奶頭邊仔 (piⁿ-á)的細胞排列成做帽仔的形狀，叫做齒釉質器官 (有人 (ū-lâng)共叫做齒本質器官)。閣有 (Koh-ū)另外 (lēng-gōa)一陣ectomesenchyme細胞相招 (sio-chio)倚近 (óa-kīn)做伙，包圍 (pau-ûi)佇齒釉質器官佮喙齒奶頭的箍兜 (kho͘-tau)。撒落來 (Soah--lo̍h-lâi)，齒釉質器官會產生齒釉質，喙齒奶頭會產生齒本質佮齒髓，啊喙齒濾泡會產生喙齒所有 (só͘-ū)的支持 (chi-chhî)構造 (kò͘-chō)。

Tī leng-liang kî khah-chá ê sî-chūn chhùi-khí ê cho͘-chit chhiat-phìⁿ.

鈴喨期

鈴喨期發生組織分化佮形態 (hêng-thāi)分化。齒釉質器官佇這時 (chit-sî)是鈴喨仔 (lêng-liang-á)形 (hêng)，伊大部份 (tāi-pō͘-hūn)的細胞生 (seⁿ)就像 (chhiūⁿ)天星 (thiⁿ-chhiⁿ)，叫做stellate reticulum。齒釉質器官箍兜的細胞疏開 (so͘-khui)做3層 (chân)。齒釉質器官外口的cuboidal cell叫做 (kìo-chò)外口的齒釉質上皮。齒釉質佮喙齒奶頭相接 (sio-chiap)的彼 (hit)層細胞叫做內底的齒釉質上皮。內底的齒釉質上皮佮stellate reticulum之間 (chi-kan)彼層 (hit-chân)叫做stratum intermedium。外口的佮內底的齒釉質上皮相接的所在形成1个圓箍仔 (îⁿ-kho͘-á)，叫做cervical loop。

佇這个坎站猶有 (iáu-ū)發生其他 (kî-thaⁿ)的代誌 (tāi-chì)。 Dental lamina列街 (lia̍t-kai)，發育中的喙齒佮喙腔 (chhùi-khiuⁿ)的上皮完全 (oân-choân)分開 (hun-khui); 着到 (tio̍h-kàu)喙齒發芽 (puh-gê)出來 (chhut--lâi)，這 (chit)兩者 (lióng-chiá)才閣 (chiah-koh)相拄 (sio-tú).

Tī lêng-liang kî khah-òaⁿ ê sî-chūn chhùi-khí ê cho͘-chit chhiat-phìⁿ. Chhiáⁿ chù-ì téng-koân dental lamina ê lia̍t-kái siau-sit.

喙齒的齒冠形骸 (hêng-hâi)受著 (siū-tio̍h)內底的齒釉質上皮的形狀的影響 (éng-hióng)，就是 (tio̍h-sī)發生佇這个坎站。喙裡 (Chhùi--nih)所有的喙齒攏會 (lóng-ē)進行 (chìn-hêng)仝款 (kāng-khoán)的這个過程; 咱 (lán)猶是 (iáu-sī)無確定 (khak-tēng)為啥物 (ūi-siáⁿ-mi̍h)喙齒會產生各樣 (koh-iūⁿ)的齒冠形骸，好比講 (hó-pí-kóng)，門齒佮角齒。有兩个 (nn̄g-ê)主要 (chú-iàu)的假說 (ké-soat)。 "'Field model'" 提出 (the̍h-chhut)理論 (lí-lūn)講 (kóng)，喙齒發育過程中的ectomesenchyme有喙齒各樣形骸的成分 (sêng-hun)。決定某 (bó͘)1款 (khoán)特殊 (te̍k-sû)喙齒形骸的成分，好親像 (hó-chhan-chhiūⁿ)門齒，干焦 (kan-taⁿ)保留 (pó-liû)佇喙腔某物 (bó͘-mi̍h)所在 (só͘-chaī)，其他所在的 (só͘-chāi--ê)攏 (lóng)誠緊 (chiâⁿ-kín)就消失 (siau-sit)無去 (bô--khì)。抑就是 (Ia̍h-tio̍h-sī)講，好比 (hó-pí)， "incisor field" 有幼使 (iù-sú)喙齒發育做門齒的因素，這个field干焦集中 (chi̍p-tiong)來到 (lâi-kàu)門齒的區域 (khu-he̍k)，啊佇角齒的區域就連鞭 (liâm-mi)無去。另 (Lēng)1个主要的假說是 "'clone model"'，伊講，上皮安排 (an-pâi)指揮 (chí-hui)1佇ectomesenchymal cells來產生各樣的喙齒。這陣 (Chit-tīn)的細胞，叫做clone，唌拐 (siâⁿ-koái)dental lamina進行喙齒發育，致使喙齒穎芽的產生。 Dental lamina踮佇 (tiàm-tī)這个叫做 "progress zone" 的所在繼續生長。便若 (Piān-nā)progress zone徙去 (sóa-khì)距離 (kī-lî)第1个喙齒穎有1短仔 (té--á)的所在，第2个喙齒穎仔 (íⁿ-á)就開始佇遐 (tī-hia)發育。這兩个假說無定就是 (tiāⁿ-tio̍h-sī)互相 (hō͘-siong)掠外 (lia̍h-gōa)拄敵的 (tú-te̍k--ê)，猶未 (iáu-bōe)廣泛 (kóng-hoān)予人接受的1个看法 (khòaⁿ-hoat)是: 這兩个假說佇無仝的時間點 (sî-kan-tiám)影響著 (tio̍h)喙齒的發育.

佇這个階段，其他發生的喙齒的構造有enamel knots，enamel cords，佮enamel niche.

Hoat-io̍k tiong ngē cho͘-chit ê cho͘-chit chhiat-phìⁿ. Ameloblast tng-leh sán-seng khí-iū-chit, ah odontoblast tng-leh sán-seng khí-pún-chit.

齒冠期

這个時期 (sî-kî)叫做齒冠期或 (he̍k)神色 (sêng-sek)期，硬 (ngē)組織親像 (chhan-chhiūⁿ)齒釉質佮齒本質就發生佇這期 (chit-kî)。重要的細胞變化 (piàn-hòa)發生佇這陣 (chit-chūn)。佇頂1期內底的齒釉質上皮快速 (khoài-sok)大量 (tōa-liōng)分裂 (hun-lia̍t)，叫做mitosis，增加 (cheng-ka)喙氣穎 (chhùi-khì-íⁿ)的大小 (tōa-sió)。毋過佇這期，喙齒的咬崙 (kā-lûn)若 (nā)產生了後 (liáu-āu)，這个位置 (ūi-tì)的mitosis就停止落來 (thêng-chí--lo̍h-lâi)。代先 (Tāi-seng)鈣化 (kài-hòa)的硬組織就發生佇遮 (chia)。仝 (Kâng)這个時陣，內底的齒釉質上皮細胞的外型 (gōa-hêng)對cuboidal轉做 (choán-chò)columnar。遮的細胞的細胞核 (sè-pau-he̍k)徙位 (sóa-ūi)倚 (óa)khīn stratum intermedium，離開 (lî-khui)喙齒奶頭。

喙齒的組織切片。請 (Chhiáⁿ)注意 (chù-ì)齒本質的長管仔 (tn̂g-kóng-á)形外款 (gōa-khoán)。
A: 齒釉質
B: 齒本質

喙齒奶頭倚近內底的齒釉質上皮彼層細胞突然 (thu̍t-jiân)變大 (piàn-tōa)，分化做odontoblast，怹是產生齒本質的細胞.研究者 (Gián-kiù-chiá)相信 (siong-sìn)，內底的齒釉質上皮若無 (nā-bô)發生變化， odontoblast就袂 (bē)出現 (chhut-hiàn)。對咬圇 (kā-lun)的尖端 (chiam-toan)附近 (hū-kīn)，內底的齒釉質上皮開始變化佮odontoblast開始出現， odontoblast分泌 (hun-pì)1種 (chióng)物質 (bu̍t-chit)，organic matrix，到怹的 (in-ê)四周圍 (sì-chiu-ûi)。這種 (Chit-chióng)organic matrix預含 (ū-hâm)形成齒本質需要 (su-iàu)的物質。 Odontoblast若 (ná)沉積 (tîm-chek)organic matrix，若徙位去 (khì)喙齒奶頭的中方。因此 (In-chhú)，佮齒釉質無像，齒本質是對喙齒的卡 (khah)外口向內底沓沓仔 (ta̍uh-ta̍uh-á)1層閣 (koh)1層來形成。 Odontoblast緣但 (iân-nā)徙 (sóa)對中方，焉若 (iân-nā)共細胞質 (sè-pau-chit)的伸長 (chhun-tn̂g) (odontoblastic process) 留 (lâu)佇尻川後 (kha-chhng-āu)。佇顯微鏡 (hián-bî-kiàⁿ)所 (só͘)看著 (khòaⁿ-tio̍h)的這種獨特 (to̍k-te̍k)長管仔形 (tn̂g-kóng-á-hêng)的齒本質外款，是齒本質踮遮的伸長四箍兜 (sì-kho͘-tau)沉積產生的結果. 齒本質 (Khí-pún-chit)開始產生了後，內底的齒釉質上皮細胞嘛 (mā)開始分泌organic matrix。遮的matrix連鞭鈣化成做喙齒的齒釉質。齒本質外口是ameloblast， ameloblast製造齒釉質; 因此，齒釉質是向外口1重 (têng)1重加添 (ka-thiⁿ)佇發育的喙齒外表面 (gōa-piáu-bīn)。

硬組織的產生

Hoat-io̍k tiong ê chhùi-khí ê chhiat-phìⁿ

齒釉質 (Khí-iū-chit)

請看 (khòaⁿ)Amelogenesis彼篇 (phiⁿ)文章 (bûn-chiuⁿ)

齒釉質的產生叫做amelogenesis，發生佇喙齒發育的齒冠期。排替 (Pâi-thè)引 (ín)𤆬 (reciprocal induction) 說明 (sòe-bêng)齒本質的產生佮齒釉質的產生之間的關係; 齒本質定著著 (tiāⁿ-tio̍h-tio̍h)愛 (ài)代先齒釉質產生。齒釉質的產生分做2个階段: 分泌時期佮成適 (sêng-sek)時期.分泌時期n̄g白質 (pe̍h-chit)佮organic matrix產生部分 (pō͘-hūn)鈣化的齒釉質; 誠適 (sêng-sek)時期完成 (oân-sêng)齒釉質的鈣化。

佇分泌時期， ameloblast釋放 (sek-hòng)出齒釉質卵白質 (nn̄g-pe̍h-chit)，這構成 (kò͘-sêng)齒釉質的matrix，煞落來 (soah--lo̍h-lâi)，佇酵素 (kàⁿ-sò͘)alkaline phosphatase的作用 (chok-iōng)之下 (chi-hā)，部份鈣化.這个鈣化組織的出現，大約 (tāi-iok)是胎孕 (thai-īn)的第3或第4過月 (kò͘-goe̍h)遐，是齒釉質佇身體 (sin-thé)的頭 (thâu)1改 (kái)出現。 Ameloblast佇喙齒咬圇 (kā-lun)的所在開始沉積齒釉質。齒釉質對喙齒中方向外口繼續沉積產生。

佇誠適時期， ameloblast共用佇齒釉質形成的1寡 (kóa)物質對齒釉質扎出來 (chah--chhut-lâi)。因此， ameloblast的功能 (kong-lêng)對齒釉質生產 (seng-sán)，轉換 (choán-ōaⁿ)做運輸 (ūn-su)物質。佇這个時期被 (pī)ameloblast運輸掉 (tiāu)的物質是卵白質，自按呢 (chū-án-ne)來完成鈣化。有關係的卵白質是amelogenin，ameloblastin，enamelin，佮tuftelin.到這个時期的上尾仔 (siāng-bóe-á)，齒釉質的鈣化才結束 (kiat-sok)。

齒本質 (Khí-pún-chit)

請看Dentinogenesis這篇文章

齒本質的產生叫做dentinogenesis，是佇喙齒發育齒冠期 (kî)上 (siāng)代先會使確認 (khak-jīn)的特征 (te̍k-cheng)。齒本質的產生定著 (tiāⁿ-tio̍h)愛代先齒釉質的產生 。無仝坎站產生無仝的齒本質: mantle dentin， primary dentin， secondary dentin，佮tertiary dentin。

Odontoblast，產生齒本質的細胞，是對喙齒奶頭的細胞分化來的。怹踮內底的齒釉質上皮遐開始分泌organic matrix，上接近 (chiap-kīn)尾仔 (bóe--á)咬圇欲 (beh)出現的所在上早 (siāng-chá)分泌。 Organic matrix有含粗大 (chho͘-tōa)直徑 (ti̍t-kèng)的膠原 (ka-goân)纖維 (chhiam-ûi) (直徑0.1-0.2 μm).Odontoblast開始向喙齒中方移徙 (î-sóa)，尻脊後 (kha-chiah-āu)遺留 (ûi-liû)叫做odontoblast process的伸長.這odontoblast process引起hydroxyapatite晶體 (cheng-thé)的分泌佮 (kap)基質的鈣化。這搭 (Chit-tah)的鈣化叫做mantle齒本質，大約150 μm厚 (kāu).

Mantle齒本質是對喙齒奶頭原底 (goân-té)的基質 (ki-chit)遐產生的 (sán-seng--ê)。原生 (Goân-seng)齒本質 (primary dentin) 的產生過程就佮mantle齒本質的無仝。 Odontoblast的體型 (thé-hêng)變大，相 (sio)kheh做伙，會當 (ē-tàng)利用 (lī-iōng)提來 (the̍h-lâi)鈣化 (kài-hòa)的細胞外物質減少 (kiám-chió)，改由 (kái-iû)自身 (chū-sin)產生製造。另外，漢草 (hàn-chháu)較大 (khah-tōa)的odontoblast的膠原卵白 (ka-goân-nn̄g-pe̍h) (collagen) 分泌量 (liōng)變少 (piàn-chió)，使得出現排列競加密實 (ba̍t-cha̍t)的heterogenous neucleation的鈣化。其他的物質，好比lipid，phosphoprotein，phospholipid嘛有 (mā-ū)分泌. 二次 (Jī-chhù)齒本質 (secondary dentin) 是齒跤成型 (sêng-hêng)了後才產生的，伊產生的速度 (sok-tō͘)較慢 (khah-bān)。伊產生的速度嘛無 (mā-bô)一致 (it-tì)，接近齒冠的所在產生的速度較緊 (khah-kín).伊的產生是規世人的 (kui-sì-lâng--ê)，所以 (só͘-í)年歲 (nî-hòe)愈大 (jú-tōa)的人 (lâng)齒髓腔 (khí-chhóe-khiuⁿ)愈細 (jú-sè)。三次 (Sam-chhù)齒本質 (tertiary dentin)，閣叫做修復性 (siu-ho̍k-sèng)齒本質 (reparative dentin)，是受著刺激 (chhì-khek)，親像磨損 (bôa-sún) (attrition) 或蛀齒 (chiù-khí)，來產生的.

Khí-kha ê hûiⁿ-chhiat-phìⁿ. Chhiáⁿ chù-ì thang-kng, bô sè-pau ê khí-kut-chit.
A: khí-pún-chit
B: khí-kut-chit

齒骨質

齒骨質的形成叫做cementogenesis，發生佇喙齒發育的較 (khah)落尾 (lo̍h-bóe)。Cementoblast是負責 (hū-chek)產生齒骨質的細胞。有2種齒本質: 有細胞的 (sè-pau--ê)佮無細胞的。

無細胞齒骨質代先產生。 Cementoblast是對喙齒濾泡細胞分化出來的 (chhut--lâi-ê)。 Cementoblast分泌幼絲 (iù-si)的膠原卵白 (ka-goân-nn̄g-pe̍h)纖維。這纖維以 (í)90度 (tō͘)的角度 (kak-tō͘)插 (chhah)佇齒跤表面。然後 (Jiân-āu)cementoblast開始徙離開齒跤 ，閣製造較濟 (khah-chē)的膠原卵白來加長 (ka-tn̂g)佮加粗 (ka-chho͘)纖維。非膠原卵白 (Hui-ka-goân-nn̄g-pe̍h)的卵白質，親像bone sialoprotein，佮osteocalcin嘛有分泌.無細胞齒骨質含有 (hâm-ū)卵白質佮纖維基質。齒骨質 (Khí-kut-chit)若鈣化， cementoblast若徙離開 (sóa-lî-khui)齒骨質，啊 (ah)插佇齒跤表面的纖維最後 (chòe-āu)佮齒周韌帶結合 (kiat-ha̍p)做伙。

有細胞的齒骨質佇喙齒發育煞鼓 (soah-kó͘)佮喙齒參 (chham)對 (tùi)kiuⁿ (opposite arch) 喙齒相拄著 (sio-tú-tio̍h)才開始產生。這款 (Chit-khoán)齒骨質囷纏 (khûn-tîⁿ)佇齒周韌帶的纖維邊仔來產生。製造有細胞齒骨質的cementoblast最後被家己 (ka-tī)製造的齒骨質包圍起來 (pau-ûi--khí-lâi)。

製造有細胞齒骨質的cementoblast佮製造無細胞齒骨質的cementoblast的來源 (lâi-goân)無仝。主要的理論認為 (jīn-ûi)，製造有細胞齒骨質的細胞來自 (lâi-chū)附近的骨頭 (kut-thâu)，製造無細胞齒骨質的細胞來自喙齒濾泡。孤一支 (Ko͘-chi̍t-ki)齒跤的喙齒常在 (siâng-chāi)無有細胞的齒骨質。佇小後齻佮大後齻，有細胞齒骨質干焦分佈 (hun-pò͘)佇齒跤末端 (bo̍at-toan)佮齒跤分叉 (hun-chhe)的所在。

當欲 (Tng-beh)發芽入口腔喙齒的組織切片。
A: 喙齒
B: 齒齦 (khí-gîn)
C: 骨頭
D: 齒周韌帶

齒周組織的形成

齒周 (Khí-chiu)組織，是喙齒的支持構造，包括 (pau-koat)有齒骨質，齒周韌帶，齒齦，佮齒槽骨 (khí-chô-kut)。這內底干焦齒骨質是喙齒的1部分。齒槽骨共喙齒齒跤包起來 (pau--khí-lâi)形成齒槽 (socket)，提供 (thê-kiong)至早 (chì-chái)的功能。齒周韌帶連接齒槽骨到齒骨質，啊 (ah)齒銀包袱 (pau-ho̍k)佇齒槽骨的外口。

齒周韌帶

對喙齒濾泡來的細胞產生齒周韌帶 (PDL)。囡仔齒佮大人齒的齒優 (khí-iu)韌帶發生的過程無仝，無仝動物 (tōng-bu̍t)物種 (bu̍t-chéng)的韌帶發生嘛無仝。對喙齒濾泡來的韌帶fibroblast製造齒周韌帶。這寡fibroblast所分泌的膠原卵白，佮附近的齒槽骨佮齒骨質的纖維相佮 (saⁿ-kap)做伙。佇喙齒發芽的過程中，這種高互作用 (kau-hō͘-chok-iōng)產生1種attachment。Occlusion，喙齒的排列佮喙齒按怎 (án-chóaⁿ)參對kiuⁿ喙齒接接，繼續影響齒周韌帶的形成。齒周韌帶錄縮 (lo̍k-siok)產生，按照 (àn-chiàu)行向 (kiâⁿ-hiòng)的無仝，會使分 (hun)做幾組 (kúi-cho͘): 攤平 (than-pêⁿ)的，攤斜 (than-chhoa̍h)的，佮囷踅 (khûn-se̍h)的。

齒槽骨

當 (Tng)齒跤佮齒骨質開始產生，齒槽骨嘛開始發育。身軀 (Sin-khu)產生骨頭的細胞叫做osteoblast。產生齒槽骨的osteoblast是對喙齒濾泡來的 (lâi--ê)。 佮身軀其他骨頭相 (sio)siâng，齒槽骨嘛會 (mā-ē)modify。 Osteoblast產生骨頭，猶osteoclast煞 (soah)破害 (phò-hāi)骨頭，尤其 (iû-kî)是喙齒受著力量 (le̍k-liōng)的時。這種破害級收 (kip-siu)骨頭的情形 (chêng-hêng)會發生佇喙齒撨正 (chhiâu-chiàⁿ)的過程中。喙齒欲徙珍重 (tin-tāng)的方象 (hong-siòng)的骨頭受著壓縮 (ap-sok) (compression)，彼搭 (hit-tah)的osteoclast會較濟 (khah-chē)，結果骨頭吸收 (khip-siu)。顛倒反 (Tian-tó-péng)的是，喙齒欲遠離 (oán-lî)的彼爿 (hit-pêng)，因為齒周韌帶的搝落 (lak)，受著tension， osteblast的數目增加，結果骨頭來形成。

齒齦

齒齦甲喙齒相接接的所在叫做喙齒齒齦 (chhùi-khí-khí-gîn)接接 (dentogingival junction)。這个接接有三个 (saⁿ-ê)上皮種類 (chióng-lūi): 齒齦上皮，齒齦溝 (khí-gîn-kau)上皮，佮接接上皮 (gingival， sulcular， and junctional epithelium)。這三 (saⁿ)種的上皮是對1陣 (tīn)叫做epithelial cuff的細胞，位佇喙齒佮喙腔 (chhùi-khiuⁿ)之間，來的。

有關 (Iú-koan)齒齦產生的代誌猶未完全了解 (liáu-kái)，毋過，咱攏載影 (chāi-iáⁿ)hemidesmosomes形成佇接接上皮佮喙齒之間，是負責primary epithelial attachment的重要角色 (kak-sek)。

神經 (Sîn-keng)佮血管 (hoeh-kńg)的形成

身軀的神經佮血管定定 (tiāⁿ-tiāⁿ)行 (kiâⁿ)鬥陣 (tàu-tīn)，怹嘛常在 (chhiâng-chāi)用相siâng的方式 (hong-sek)同齊 (tâng-chê)來形成。不過 (Put-kò)，喙齒的神經佮血管形成情形無仝款，因為怹發育的速度無仝。

神經的形成

佇喙齒發育的帽仔期，神經纖維開始接近喙齒，伸入 (chhun-ji̍p)喙齒濾泡。然後，神經纖維包圍喙齒燕 (chhùi-khí-ìⁿ)發展起來 (hoat-tián--khí-lâi)。等 (Tán)齒本質開始發育，纖維閣伸入喙齒奶頭內底。神經袂生湠 (seⁿ-thòaⁿ)入齒釉質器官。

血管的形成

佇帽仔期，血管生長入喙齒濾泡佮喙齒奶頭。規組 (Kui-cho͘)的血管形成佇喙齒奶頭的入口 (ji̍p-kháu)。佇齒冠期拄開始 (tú-khai-sí)，血管的數量 (sò͘-liōng)達到 (ta̍t-kàu)上濟 (siāng-chē)，抑 (a̍h)喙齒奶頭終其尾 (chiong-kî-bóe)形成齒髓。對少年 (siàu-liân)到老 (lāu)，喙齒齒髓的體積 (thé-chek)一直 (it-ti̍t)咧 (leh)減少，抑就是年紀 (nî-kí)愈大 (jú-tōa)，血液 (hoeh-sio̍h)的供給 (kiong-kip)愈少 (jú-chió)。齒釉質 (Khí-iū-chit)器官無血管，因為伊是上皮。齒釉質佮齒本質的鈣化組織無需要血液提供營養 (êng-ióng)。

喙齒的發芽

喙齒發芽的機制 (ki-chè)是複雜的過程，猶無 (iáu-bô)誠會齊 (hōe-chê)的認定 (jīn-tēng)。一寡一般 (it-poaⁿ)認為的，毋過已經 (í-keng)被證明 (chèng-bêng)毋著 (m̄-tio̍h)的理論有: (1)齒跤的生長共喙齒推捒 (thui-sak)入口腔， (2)喙齒辮仔 (pīⁿ-á)的骨頭生長共喙齒推捒出去的 (chhut-khì--ê)， (3) 血管的壓力 (ap-le̍k)共喙齒捒出去的 (sak--chhut-khì-ê)， (4) 敨脫 (tháu-thoah)縣調 (hiân-tiàu)共喙齒捒起哩的 (sak--khí-lih-ê).敨脫懸吊 (hiân-tiàu)的理論， Harry Sicher代先提出，對1930年代 (nî-tāi)到1950年代被廣泛傳授 (thoân-siū)。這个理論假設 (ká-siat)有韌帶佇喙齒下跤，佮喙齒的名法 (bêng-hoat)有關係 (ū-koan-hē)。 Sicher講伊有佇hàm鏡 (kiàⁿ)看見，毋過後來煞發現 (hoat-hiān)彼 (he)是切片製造過程 (kòa-têng)中發生的人為現象 (jîn-ûi-hiān-siōng) (artifact)。

現此時 (Hiān-chú-sî)上時行 (sî-kiâⁿ)的理論是: 雖罔鬼仔的 (kúi-á-ê)力量佮喙齒發芽有底代，齒周韌帶提供 (the̍h-kiong)主要的發芽動量 (tōng-liōng)。理論家 (Lí-lūn-ka)假設講，透過 (thàu-kòe)齒周韌帶的家元兩白纖維的收束 (siu-sok)佮相扯 (sio-chhé)連結，以及 (í-ki̍p)怹的fibroblast的khiú-giú，齒周韌帶促使 (chhiok-sú)喙齒的發出 (hoat-chhut)。

雖罔獨家人 (ta̍k-ke-lâng)喙齒發芽的時間有萬 (ū-bān)有緊 (ū-kín)，發芽猶是 (iah-sī)有1个大概 (tāi-khài)的時間表。人類標準上 (piau-chún-siōng)有20起 (khí)囡阿起 (gín-á-khí)佮32起大人齒。喙齒發芽有3个階段。代先是囡阿起齒列 (khí-lia̍t)，干焦有囡仔齒存在 (chûn-chāi)。若是 (Nā-sī)大人齒開始發芽，就進入訓合 (hùn-ha̍p)齒列。囡阿起若全部 (choân-pō͘)褪齒 (thǹg-khí)，就叫做大人齒齒列。

囡仔齒齒列開始佇下kiuⁿ中毛起 (tiong-mn̂g-khí)發芽，大約是出世後 (āu)8過月，一直到第1永久 (éng-kiú)大後齻發芽，大約是6會 (hōe)的時。囡仔齒法起 (hoat-khí)的循司 (sūn-sū)一般是: (1) 張 (tiong)毛起 (mn̂g-khí)， (2) 側門齒 (chhek-mn̂g-khí)， (3) 第1後chan， (4) 角齒， (5) 第2後chan。益有 (Iah-ū)1个規則 (kui-chek)是: 每 (múi)半冬 (pòaⁿ-tang)法 (hoat)4起，下姜的 (ē-kiuⁿ--ê)生法 (seng-hoat) ，等姜的 (téng-kiuⁿ--ê)後法 (āu-hoat)，查某的 (cha-bó͘--ê)法起比 (pí)查埔的 (cha-po͘--ê)早 (chá)。佇囡仔齒齒列的時陣，大人齒的喙齒燕佇囡阿起下跤法約 (hoat-iok)。

訓學 (Hùn-ha̍k)齒列開始佇6歲 (hòe)第1永久大後齻發芽的時，結束佇12歲最後1齒奶齒 (ni-khí)褪齒。頂kiuⁿ永久齒 (éng-kiú-khí)的發芽順序 (sūn-sū)佮下kiuⁿ無仝。頂kiuⁿ永久齒的發芽順序是: (1) 第1永久大後齻 (2) 永久中毛起， (3) 永久刺毛起 (chhek-mn̂g-khí)， (4) 第1永久小後齻， (5) 第2 eńg九 (kiú)小後齻， (6) 永久角齒， (7) 第2永久大後齻，佮 (8) 第3永久tāo後齻。下kiuⁿ永久齒的發芽順序是: (1) 第1永久大後齻 (2) 張毛起 (tiong-mn̂g-khí)， (3) 永久刺毛起， (4) 永久角齒， (5) 第1永久小後齻， (6) 第2 eńg九小後齻， (7) 第2永久大後齻， and (8) 第3永久tāo後齻。因為囡阿起無小後齻，所以囡阿起後chan是由大人齒的小後齻取代 (chhú-tāi)。假使講囡仔齒褪齒抑大人齒猶未準備 (chún-pī)欲發出來 (hoat--chhut-lâi)，有1寡位佇佇後面 (āu-bīn)的喙齒會徙於 (sóa-î)鄉情 (hióng-chêng)，致使空間 (khong-kan)spòng式 (sit)。按呢會引起喙齒鍋缺 (e-khoeh)，或者是 (he̍k-chiá-sī)發出來 (hoat-chhut--lâi)的喙齒琺歪去 (hoat-oai--khì)，叫做malocclusion。

大人齒齒列是佇11會或12會，上落尾的囡仔齒褪齒了 (liáu)，到所有的喙齒褪齒為止 (ûi-chí)。

囡仔齒佮大人齒發起 (hoat-khí)的時間

	囡仔齒
	中 毛起	冊 (Chhek) 毛起	角起 (Kak-khí)	第1 小後齻	第2 小後齻	第1 大後齻	第2 大後齻	第3 大後齻
頂kiuⁿ的喙齒	10 月 (goe̍h)	11 月	19 月			16 月	29 月
下kiuⁿ的喙齒	8 月	13 月	20 月			16 月	27 月
	大人起 (Tōa-lâng-khí)
	中 毛起	冊 毛起	角起	第1 小後齻	第2 小後齻	第1 大後齻	第2 大後齻	第3 大後齻
頂kiuⁿ的喙齒	7–8 冬	8–9 冬	11–12 冬	10–11 冬	10–12 冬	6–7 冬	12–13 冬	17–21 冬
下kiuⁿ的喙齒	6–7 冬	7–8 冬	9–10 冬	10–12 冬	11–12 冬	6–7 冬	11–13  冬	7–21 冬

營養佮喙齒的發育

佮身體其他所在的發育生長相siâng，營養對 (tùi)喙齒的發育有影響。欲得著 (tit-tio̍h)康健的喙齒需要的營養物 (êng-ióng-mi̍h)包括介 (kài) (calcium)，phosphorus，fluoride鉀 (kap)維生素 (ûi-seng-sò͘)亞 (A)，C佮D。界 (Kài)佮phosphorus是製造hydroxyapatite晶體所需要的，怹佇血液的濃度 (lông-tō͘)是靠 (khò)維生素D來維持。維生素A是產生keratin需要的。 Vitamin C鉀膠原兩白有關係。 Fluoride摻入 (chham-ji̍p)去hydroxyapatite晶體，厚 (hō͘)喙齒卡與 (khah-ū)擋頭 (tòng-thâu) ，卡未 (khah-bē)蛀齒。

欠缺 (Khiàm-khoat)遮的影養物 (éng-ióng-mi̍h)對喙齒發育有誠濟 (chiâⁿ-chē)的影響。設使 (Siat-sú)屆 (kài)， phosphorus佮vitamin D無到額 (bô-kàu-gia̍h)，喙齒的概化會卡無夠 (bô-kàu)，卡覽 (khah-lám)。缺乏 (Khoat-ho̍at)vitamin A會引起齒釉質的缺乏 (khoat-ha̍t)。 Fluoride的欠缺 (khiàm-khoeh)，佇喙齒拄著 (tú-tio̍h)喪 (sng)的權頃 (khoân-khéng)，會使 (sú)喙齒增加脫界 (thoat-kài)，延延 (iân-chhiân)各界華 (koh-kài-hòa)的進行。尚且 (Siōng-chhiáⁿ)，佇喙齒發育中，過量 (kòe-liōng)的fluoride會致使喙齒佛中度 (hu̍t-tiòng-to̍k) (dental fluorosis)。

各樣

有足濟佮喙齒發育有關的各樣。

無齒 (Bô-khí)畸形 (kî-hêng) (anodontia) 是原全 (goân-choân)無發育喙齒，盒 (a̍h)缺齒 (Khoat-khí)畸形 (hypodontia) 是欠乏 (khiàm-ha̍t)一寡喙齒的發育。無齒是屬 (chiok)罕 (hán)得 (tit)看見的 (khoàⁿ--kìⁿ-ê)，上接 (siāng-chiap)發現佇hipohidrotic ectodermal dysplasia的情形，抑核起 (ha̍t-khí)煞是 (soah-sī)上接看著 (khòaⁿ--tio̍h)的喙齒 (chhuì-khí)發育各樣，影響著3.5–8.0% 个人口 (jîn-kháu) (猶未 (iah-bōe)包括第3大後齻)。欠缺第3大後齻是定定柱下著 (tú-ē-tio̍h)的情形，發生佇20–23% 个人口內底。撒落來常在核少 (ha̍t-chío)的喙齒是第2小後齻佮刺毛起。核起詳載 (siông-chāi)甲闊欠 (khoat-khiàm)dental lamina有佇事 (ū-tī-tāi)。 Dental lamina溶鐿 (iông-ì)受著環境 (khôan-kéng)力量的攻擊 (kong-kek)，親像感染 (kám-jiám)，化學治療 (hòa-ha̍k-tī-liâu) (chemotherapy)，嘛較 (mā-kah)濟濟症候群 (chèng-hāu-kûn)有牽連 (khan-liân)，好比Down syndrome佮Crouzon syndrome。

多齒症 (To-khí-chèng) (hyperdontia) 是額外 (gia̍h-gōa)的喙齒發育。伊發生佇1–3% 的白色人種 (pe̍h-sek-lîn-chéng) (Caucasian)，過較濟 (koh-khah-chē)發生佇亞洲人種 (A-chiu-jîn-chéng)(Asian)。這種架四 (khè-sù)大概86% 是加 (ke)1齒喙齒，定定發生佇頂kiuⁿ毛起的所在。多起 (To-khí)互 (hō͘)認為是多台 (to-î)的dental lamina所知應 (tì-ìn)。

彎曲齒 (Oan-khiau-khí) (dilaceration) 氏 (sī)喙齒無正常 (bô-chèng-siông)的彎曲 (oan-khiau)，差不多 (chha-put-to)攏是 (lóng-sī)外力 (gōa-le̍k)徙動 (sóa-tāng)喙齒燕所知應。當 (Tng)喙齒易咧 (ia̍h-leh)發育，忽然 (hut-jiân)受著力量推捒，離開原來 (gôan-lâi)的位佇，致使賰的 (chhun-ê)部分以無仝的角度繼續發育。醉流 (Chùi-liû) (cyst) 或腫瘤 (chéng-liû) (tumor) 佇喙齒穎的邊仔嘛是 (mā-sī)一種 (chi̍t-chióng)引起彎曲齒的力量; 囡阿起戶 (hō͘)外力閬著 (lòng--tio̍h)繆入氣 (kiu-ji̍p-khì)齒槽嘛會捒 (sak)就永久齒的起穎 (khí-íⁿ)。

Regional odontodysplasia誠罕見 (hán-kìⁿ)，上捷 (siāng-chia̍p)發生佇頂kiuⁿ佮頭前齒 (thâu-chêng-khí)。原因 (Goân-in)毋知影 (m̄-chai-iáⁿ); 有幾个講法 (kóng-hoat)，包括neural crest cell的掛礙 (kòa-gāi)，感染，電光 (tiān-kong)治療 (tī-liâu)，佮血液之源 (chi-goân)無夠 (上時行的假說)。受 (Siū)regional odontodysplasia影響的喙齒定定未 (bē)發起，齒冠是細粒子 (sè-lia̍p-chí)，黃黃 (n̂g-n̂g)的咖啡色 (ka-pi-sek)，生就無子午 (bô-chú-ngó͘)。佇田光片 (tiān-kong-phìⁿ)頂懸 (téng-koân)這種喙齒是通光 (thang-kng)的看頭，自按呢人叫伊做 (kiò-i-chò) "鬼仔起 (kúi-á-khí)" (ghost teeth)。

動物的喙齒發身 (hoat-sin)

平平來講 (Pêⁿ-pêⁿ-lâi-kóng)，非人類 (hui-jîn-lūi)飼奶動物 (chhī-ni-tōng-bu̍t)喙齒的轉成 (tńg-chiâⁿ)佮人類喙齒的轉情 (tńg-chiâⁿ)欲仝欲仝 (boeh-kâng-boeh-kâng)。精差 (Cheng-chha)通常是佇 (sī-tī)看頭，數目，轉成的時間，佮喙齒的款樣 (khoán-iūⁿ)，抑毋是 (m̄-sī)佇次起 (chhù-khí)的發身過程。

非人類飼奶動物的齒釉質形成甲而類的 (jî-lūi--ê)強欲 (kiông-beh)相仝 (saⁿ-kâng)。 Aminoblast佮齒釉質器官，包括喙齒奶頭，怹的功能相親像 (sio-chhin-chhiūⁿ)。人類佮其他大多數 (tāi-to-sò͘)動物的aminoblast佇發起 (puh-khí)後攏會死亡 (sí-bông)，致到 (tì-kàu)袂用得 (bē-ēng--tit)接續 (chiap-sio̍k)產生齒釉質，雖罔按呢，rodent煞會得 (ē--tit)蕭然紲 (sio-liân-sòa)產生齒釉質，著捷捷 (chia̍p-chia̍p)去嚙鎳 (gè-gia̍t)濟濟物件來磨調 (bôa-tiāu)喙齒，才度會活 (tō͘-ē-o̍ah)。卡史 (Khah-sú)rodent無通 (bô-thang)嚙鎳物件，怹的喙齒終其尾會托破 (thuh-phòa)碎姜 (chhùi-khiuⁿ)。 Rodent的毛起分做2部渾 (pō͘-hūn): 脣側 (tûn-chhek) (labial) 是齒釉質若齒冠，抑舌側 (sia̍t-chhek) (lingual) 是齒本質若齒跤。這齒冠佮齒跤會1世人 (sì-lâng)同齊蕭然紲產生。

佮其他大多數的動物無仝 (bô-kāng)，鯊魚 (soa-hî)利用無仝的機轉 (ki-choán)會規世人 (kui-sì-lâng)相連紲 (sio-liân-sòa)發 (hoat)新 (sin)的喙齒。因為鯊魚的喙齒無齒跤，食 (chia̍h)問健 (mn̄g-kiāⁿ)賢 (gâu)落喙齒 (動物交 (tōng-bu̍t-ka)媾過 (ko͘-kè)， 1隻 (chiah)鯊魚1當 (tang)上無 (siāng-bô)落2400齒喙齒)，愛一直補充 (pó͘-chhiong)新起。鯊魚的喙齒對靠近 (khò-kīn)喙舌 (chhùi-chi̍h)的modified scale產生，當承式 (sêng-sek)的時 (ê-sî)才1排 (pâi)1排向外 (ǹg-gōa)徙出 (sóa-chhut)來外口使用 (sú-iōng)，然後褪齒。

參考 (Chham-khó)

• Abbott， Dave。"Sharks"。 2000。Page accessed January 7， 2006。
• 推 (The)American Academy of Periodontology。"Oral Health Information for推Public"。 Retrieved December 12， 2005。
• 推American Dental Association。"Tooth Eruption Charts"。 Retrieved December 12， 2005。
• 推American Dental Hygiene Association。"Nutritional Factors因 (in)Tooth Development"。 Retrieved December 10， 2005。
• 推American Dental Hygiene Association。"TableII。Effects of nutrient deficienciesontooth development"。 Retrieved December 10， 2005。
• Ash， Major M。 and Stanley J。 Nelson。Wheeler’s Dental Anatomy， Physiology， and Occlusion.8th edition。 2003。ISBN 0721693822。
• Buchheim， Jason。"阿 (A)Quick Course因Ichthyology"。Page accessed January 7， 2006。
• Cate， A.R。 Ten。 Oral Histology: development， structure， and function。 5th ed。 1998。 ISBN 0815129521。
• Caceci， Thomas。Veterinary Histology with subtitle "Digestive System: Oral Cavity"。Retrieved December 15， 2005。
• Frandson， R.D。 & T.L。 Spurgeon， 1992。Anatomy and Physiology of Farm Animals.5th edition。Philadelphia， Lea & Febiger。ISBN 0812114353。
• Harris， Edward F。Craniofacial Growth and Development.怹the section entitled "Tooth Eruption." 2002。
• Health Hawaii。"Primary Teeth: Importance and Care"。 Retrieved December 12， 2005。
• Johnson， Clarke。 "Biology of推Human Dentition"。 1998。
• Kahn， Michael A。 Basic Oral and Maxillofacial Pathology。 Volume 1。 2001。
• Monthly Microscopy Explorations。"Exploration of推Month: January 1998"。 Retrieved December 12， 2005。
• Neville， B.W.， Douglas Damm， Carl Allen， Jerry Bouquot。Oral & Maxillofacial Pathology。2nd edition。 2002。 ISBN 0721690033。
• Randall-Bowman， 2004。 "Gummed Out: Young Horses Lose Many Teeth， Vet Says." April 2004。Article foundhere。Retrieved January 7， 2006。
• Riolo， Michael L。 and James K。 Avery。Essentials for Orthodontic Practice。1st edition。2003。ISBN 097205460X。
• Ross， Michael H.， Gordon伊。 Kaye， and Wojciech Pawlina。 Histology: a text and atlas。 4th edition。 2003。 ISBN 0683302426。
• Summit， James B.， J。 William Robbins， and Richard S。 Schwartz。Fundamentals of Operative Dentistry: A Contemporary Approach.2nd edition。Carol Stream， Illinois， Quintessence Publishing Co， Inc。2001。 ISBN 0867153822。
• University of Southern California School of Dentistry。"推Bell Stage: Image 26"。Retrieved December 11， 2005。
• University of Southern California School of Dentistry。"推Bell Stage: Image 30"。Retrieved December 11， 2005。
• University of Texas Medical Branch。"Lab Exercises: Tooth development." Page foundhere。
• Williams， Michael E。"Jaws: 推early years"。 1992。Page accessed January 7， 2006。
• WebMd。"Dental Health: Your Child's Teeth"。Retrieved December 12， 2005。

外部 (Gōa-pō͘)連結

• Bio-anthropology and ancient DNA
• Databaseon推expression of different genes怹推developing tooth。
• Integumentary Development Tooth by Dr。 Mark Hill from theUniversity of New South Wales Embryology Resource
• Veterinary Histology by Dr。 Thomas Caceci。