李顯龍 (李显龙/李顯龍，華語拼音: Lǐ Xiǎnlóng; 英語: Lee Hsien Lo͘ng，1952年 2月10日 出世 )，是現任新加坡政府總理。伊嘛是新加坡人民行動黨秘書長。
根據新加坡執政的人民行動黨中央執行委員會佇2004年5月29開會通過的1項決議，李顯龍予人推選做吳作棟的接班人，出任下屆的總理。公元2004年8月12，吳作棟任滿落台，李顯龍正式上任，成做新加坡第3任總理。
李顯龍是新加坡 "國父" 李光耀的大漢後生。李光耀是新加坡第1任總理，現此時的職務是內閣資政。
李顯龍的過去[修改]
李顯龍佇當代華文小學佮公教中學畢業了後，進入國家初級學院。後來，伊功贏得著總統獎學金佮新加坡武裝部隊獎學金，去到英國Cambridge大學留學深造， 1974年佇遮畢業並且得著數學一等榮譽學位佮電腦科學聞評 (優等)。 1971年，加jip新加坡武裝部隊。1978年佇美國Kansas州進修陸軍指揮佮參謀的課程。 1979年得着Harvard大學Kennedy行政管理學院公共行政學的碩士學位。回國後擔任新加坡武裝部隊參謀長兼聯合行動佮策畫師長。 1984年6月提昇圍準將 (准将)，共年9 goeh，辭掉軍職，擔任國防部長政治祕書。1984年12月當選國會議員，並且閣佇咧1988年，1991年，1997年佮2001年4屆的大選當中當選。
1984年12月到1986年2月，李獻良出任國防部政務部長兼貿易郎業部政務部長。 1986年2月到12月，出任貿易工業部大子部長，了後正式轉做正部長。 1988年9月，閣1擺出任第二國鋒部部長。 1990年11 goeh 27號開始出任副總理兼貿易工業部長。按1994奶7月到1995年7月，閣負責監督國防部。 1997年1月25號又閣連任副總理，隔年1月兼做新加坡金融管理局主席。 2001年11月23號開始，兼任財政部部長。
李顯龍捌結婚過2擺，有1个查某囝佮3个後生。頭1擺結婚佇1978年，太太名號做黃名揚 (黄名扬)，是1个先生人，佇病院食頭路。黃名揚佇1982年過身，彼時干焦31慧娘。 1985年李顯龍佮現在的夫人何晶 (何晶/蒿爭) 結成年李。
何晶目前是新加坡財政部專權控股的政府投資公司膽馬錫 (淡马锡) 控股當事。李顯龍的小弟李顯揚是新加坡上大的國有企業新加坡電訊的總裁。
因為李世家族掌握著新加坡高層的真濟重要職位，所以這種 "1家口仔的生理" 嘛定定受著人的批評，不jī-kò 1寡仔公開議論的人，路尾往往遭受控告。
參考[修改]
