Wikipedia

Wikipedia
Wikipedia的標仔頭。
Screenshot  Screenshot of Wikipedia's portal showing the different languages sorted by article count
URL	wikipedia.org
商業?	無
類型	散等百科全書
註冊	選擇性
擁有者	Wikimedia Foundation
開機者	Jimmy Wales Larry Sanger
起座	2001 年 1月 15日​ (2001-01-15)
現狀	運作中

Wikipedia (Ing-bûn tho̍k-im: Ûi-ki̍h-phí-tī-ià/Ûi-ki-phí-tī-à，漢字 (Hàn-jī): 維基百科，讀 (tha̍k)Ûi-ki Pah-kho/Pek-kho) 是 (sī)1个 (ê)自由 (chū-iû)內容 (lōe-iông)的 (ê)網路 (bāng-lō͘)百科全書 (pek-kho-choân-su)。伊 (I)的目的 (bo̍k-tek)是欲 (beh)建立 (kiàn-li̍p)1套 (thò) "自由"，免錢 (bián-chîⁿ)，多語 (to-gí)的百科全書。 Wikipedia是網路頂 (téng)上 (siāng)濟 (chē)人 (lâng)使用 (sú-iōng)的1个參考 (chham-khó)性質 (sèng-chit)的網站 (bāng-chām); 伊的資源 (chu-goân)平均 (pêng-kin)1日 (ji̍t)予人掠 (lia̍h)5千萬 (chheng-bān)擺 (pái) [1]。除了 (Tû-liáu)傳統 (thoân-thóng)的百科全書詞條 (sû-tiâu)以外 (í-gōa)，又閣 (iū-koh)有 (ū)包括 (pau-koah)著 (tio̍h)主要 (chú-iàu)的新聞 (sin-bûn)事件 (sū-kiāⁿ)，農民曆 (lông-bîn-le̍k)等等 (téng-téng)的內容。

Jimmy Wales。

Wikimedia基金會 (Ki-kim-hōe)質的 (chit-ê)無致意欲趁錢 (bô-tì-ì-beh-thàn-chîⁿ)的單位 (tan-ūi)佇 (tī)後壁 (āu-piah)支援 (chi-oān)一般性 (it-poaⁿ-sèng)的管理 (koán-lí)佮 (kap)操作 (chhau-chok)。內容方面 (hong-bīn)完全 (oân-choân)開放 (khai-hòng)予 (hō͘)眾人 (chèng-lâng)合作 (ha̍p-chok)發展 (hoat-tián)。內容大部分 (tōa-pō͘-hūn)是世界 (sè-kài)濟濟 (chē-chē)國 (kok)的人士 (jîn-sū)鬥陣 (tàu-tīn)撨出來 (chhiâu--chhut-lâi)的結果 (kiat-kó)。參加 (Chham-ka)的人自願 (chū-goān)無 (bô)定時 (tēng-sî)開 (khai)家己 (ka-kī)的時間 (sî-kan)寫作 (siá-chok)，製圖 (chè-tô͘)，修改 (siu-kái)，整理 (chéng-lí)，討論 (thó-lūn)，宣傳 (soan-thoân)質的事工 (sū-kang)。

Wikipedia自 (chū)2001年 (nî)1月 (go̍eh)15開始 (khai-sí)運作 (ūn-chok)。拄 (Tú)開始單純 (tan-sûn)是1个英語 (Eng-gí)的事工。後來 (Aū--lâi)沓沓仔 (ta̍uh-ta̍uh-á)增加 (cheng-ka)其他 (kî-thaⁿ)的語言 (gí-giân)。目前 (Bo̍k-chêng)有百外種 (pah-gōa-chióng)語言版本 (pán-pún)。

Wikipedia慣勢 (koàn-sì)用 (iōng)文章 (bûn-chiuⁿ)的數量 (sò͘-liōng) (無論 (bô-lūn)長短 (tn̂g-té)好 (hó)bái) 做 (chò)成長 (sêng-tióng)的指數 (chí-sò͘)。對 (Tùi)質的角度 (kak-tō͘)來 (lâi)看 (khoàⁿ)，會使 (ē-sái)講 (kóng)成長誠 (chiâⁿ)緊 (kín)。到 (Kàu)2004年2月 (goe̍h)25為止 (ûi-chí)有50萬 (bān)篇 (phiⁿ)。到甲 (kah)彼 (hit)年7月有超 (chhiau)過 (kòe)31萬篇的英文 (Eng-bûn)文章，另外 (lēng-gōa)有53萬篇寫 (siá)其他語言。 9月20彼日稱 (chhèng)到100萬篇。

Wiki技術 (ki-su̍t)佮文化 (bûn-hòa)是鬥陣編輯 (pian-chi̍p)的重要 (tiōng-iàu)基礎 (ki-chhó͘)。 Wikimedia基金會招 (chio)程式 (thêng-sek)設計師 (siat-kè-su)義務 (gī-bū)開發 (khai-hoat)MediaWiki這 (chit)套wiki軟體 (nńg-thé)。

姊妹 (Chí-mōe)事工

The Wikipedia is governed by the impartiality。

• Wiktionary
• Wikibooks
• Wikiquote
• Wikisource
• Wikinews
• Wikimedia Commons
• Wikispecies
• Wikiversity

相關 (Siong-koan)的文章

• Holopedia
• GNU自由文件 (Bûn-kiāⁿ)許可輸 (Hí-khó-su)

外部 (Goā-pō͘)連結 (liân-kiat)

• Wikipedia語言總列單 (chóng-lia̍t-toaⁿ)
• 逐个 (Ta̍k-ê)來寫Wiki百科全書 (華語 (Hoâ-gí))