Provence

Provence (讀 (tha̍k) "phu-ló͘-baⁿ-suh") 是 (sī)法國 (Hoat-kok)東南 (tang-lâm)角 (kak)的 (ê)地待 (tē-tāi)，早前 (chá-chêng)是一个 (chi̍t-ê)省 (séng)。伊 (I)徛 (khiā)踮 (tiàm)地中海 (Tē-tiong-hái)海岸 (hái-hōaⁿ)，佇 (tī)法國佮 (kap)Italia的邊界 (piⁿ-kài)。 Provence的廖子 (liāu-lí)，葡萄酒 (phû-tô-chiú)佮芳粉 (phang-hún)是特別 (te̍k-pia̍t)出名 (chhut-miâ)的產乒 (sán-phin)。

Province，尤其 (iû-kî)Marseille彼貼仔 (hit-tah-á)，受 (siū)希臘 (Hi-lia̍p)為主 (ûi-chú)的地中海文化 (bûn-hòa)影響 (éng-hióng)。後來 (Āu--lâi)變 (pìⁿ)羅馬 (Lô-má)帝國 (Tè-kok)上 (siōng)早 (chá)佇西 (Se)Europa成立 (sêng-li̍p)的一 (chi̍t)省。伊的名 (mîa)按 (àn)拉丁語 (Lia̍p-teng-gú)provincia來的 (lâi--ê)，意思 (ì-sù)是 "省"。

共和國 (Kiōng-hô-kok)的中央 (tiong-iong)政府 (chèng-hú)為 (ūi)欲 (beh)拍破 (phah-phòa)地方 (tē-hng)的政治 (chèng-tī)力 (la̍t)，佇1790年 (nî)廢省 (hùi-séng)，共 (kā)拆 (thiah)做 (chò)幾若的 (kúi-nā-ê)縣 (kōan) (département) 的行政 (hêng-chèng)單位 (tan-ūi)。伊的範圍 (hōan-ûi)約略 (iok-lio̍k)等於 (téng-î)現代 (hiān-tāi)的Provence-Alpes-Cote d'Azur行政區 (hêng-chèng-khu) -- Bouches-du-Rhône縣 (13)，Vaucluse縣 (84)，Alpes-de-Haute-Provence縣 (04)，Var縣 (83)，Alpes-Maritimes縣 (06) -- 閣 (koh)加 (ke)l'Ardèche縣 (07) 佮Drôme縣 (26) 个 (ê)南爿 (lâm-pêng)。

Provence的氣候 (khì-hāu)受地中海影響，蓋好 (kài-hó)。

主要 (Chú-iàu)的城市 (siâⁿ-chhī)包括 (pau-koat)Nice佮Marseille。Provence語 (gí) (Provençal) 是傳統 (thôan-thóng)的母語 (bó-gí)佮文言 (bûn-giân)。

人物 (Jîn-bu̍t)

• Frédéric Mistral

Holopedia

這篇文章本底牽佇holopedia.net.